и мөминләр! намазни пүтүн шәртлири билән мукәммәл ада қилиңлар

намаз мөминләргә вақти бәлгиләнгән пәрз қилинди.

и мөминләр! намазни пүтүн шәртлири билән мукәммәл ада қилиңлар

и мөминләр! намазни пүтүн шәртлири билән мукәммәл ада қилиңлар

түркийә авази радийоси: ниса сүриси, 102 – 105 - айәтләр.  (и муһәммәд!) сән мөминләр билән (җиһадта) биллә болуп улар билән намаз оқумақчи болғиниңда, уларниң бир пирқиси сән билән бирликтә намазға турсун, қораллирини (еһтийат йүзисидин) йенида тутсун, сәҗдигә берип болғандин кейин улар арқаңларға өтүп турсун (йәни намаз оқуп болған пирқә арқаңларда көзәтчилик қилип турсун, уларниң орниға) намаз оқумиған иккинчи бир пирқә келип сән билән бирликтә (йәни арқаңда) намаз оқусун, (дүшмәнлиридин) еһтийатчанлиқ билән һошйар турсун. (дүшмәнлири билән урушушқа тәййар туруш йүзисидин) қораллирини йенида тутсун, капирлар силәрниң қораллириңлардин, әшйалириңлардин ғәпләттә қелишиңларни, шуниң билән силәргә бирдинла (туйуқсиздин) һуҗум қилишни арзу қилиду (йәни дүшмәнләрниң силәргә һуҗум қилиш пурситигә игә болалмаслиқи үчүн, һәммәңлар бирла вақитта йиғилип намаз оқумай, йуқириқи усул бойичә оқуңлар). әгәр силәргә йамғур сәвәблик һәрәҗ болидиған болса йаки кесәл болсаңлар, (бу чағда) қораллириңларни қойуп қойсаңлар силәргә һеч гунаһ болмайду, еһтийатчан вә һошйар болуңлар, аллаһ һәқиқәтән капирлар үчүн хор қилғучи азаб тәййарлиди[102]. намаздин фариғ болғиниңларда өрә турған, олтурған  вә йатқан һаләтлириңларда аллаһни йад етиңлар (аллаһ силәргә дүшминиңларға қарши йардәм бериши мумкин). хатирҗәм болған чеғиңларда намазни (пүтүн шәртлири билән) мукәммәл ада қилиңлар. шүбһисизки, намаз мөминләргә вақти бәлгиләнгән пәрз қилинди[103]. дүшмәнниң арқисидин қоғлашқа суслуқ қилмаңлар؛ әгәр силәр қийналсаңлар, уларму худди силәргә охшаш қийнилиду, силәр улар үмид қилмайдиған нәрсини (йәни шеһит болушини, савабни вә ғәлибини) аллаһтин үмид қилисиләр. аллаһ һәммини билгүчидур, һекмәт билән иш қилғучидур[104]. (и муһәммәд!) сени кишиләр арисида аллаһниң көрсәткини бойичә һөкүм қилсун дәп, саңа һәқиқәтән һәқ китабни назил қилдуқ. хаинларниң тәрипини алмиғин[105].

 



مۇناسىۋەتلىك خەۋەرلەر