allah yolida hijret qilidighanlargha bérilidighan mukapatlar

kimki allah yolida hijret qilidiken, u zéminda chiqish yoli we kengchilik tapidu.

allah yolida hijret qilidighanlargha bérilidighan mukapatlar

allah yolida hijret qilidighanlargha bérilidighan mukapatlar

türkiye awazi radiyosi: nisa sürisi, 96 – 101 - ayetler. allah (ulargha) belen mertiwiler, meghpiret we rehmet ata qildi, allah meghpiret qilghuchidur, nahayiti méhribandur[96]. özlirige zulum qilghuchilar (yeni hijretni terk étip kuffarlar bilen bille turghuchilar) ning janliri perishtiler teripidin élinidighan chaghda, perishtiler ulardin: «(dininglarning ishida) qaysi halette idinglar?» dep soraydu. ular: «zéminda (yeni mekke zéminida) biz (dinni berpa qilishtin) bozek qilinghan iduq» deydu. perishtiler: «hijret qilsanglar allahning zémini kengri emesmidi?» deydu. ene shu (hijret qilmighan) larning baridighan jayi jehennemdur. jehennem némidégen yaman jay![97]. peqet erlerdin, ayallardin, balilardin charisiz qalghan (yeni hijret qilishqa chare tapalmighan), yol bilmeydighan ajizlar buningdin mustesna[98]. ene shularni allah epu qilghay. allah nahayiti epu qilghuchidur, nahayiti meghpiret qilghuchidur[99]. kimki allah yolida hijret qilidiken, u zéminda chiqish yoli we kengchilik tapidu. kimki öyidin allahning we peyghemberning teripige hijret qilip chiqsa, andin yolda ölse, uning ejrini choqum allah béridu. allah nahayiti meghpiret qilghuchidur we nahayiti méhribandur[100]. seperge chiqqan waqtinglarda kapirlarning özünglargha ziyan ـ zexmet yetküzüp qoyushidin qorqup, namazni qesri qilip (yeni töt reketni ikki reket qilip) oqusanglar silerge héch gunah bolmaydu. kapirlar silerge heqiqeten opochuq düshmendur (namaz oquwatqan pursettin paydilinip silerni öltürüwétishtin yanmaydu)[101].

 



مۇناسىۋەتلىك خەۋەرلەر