аллаһқа вә пәйғәмбәргә итаәт қилғанларниң мукапати...

кимләрки аллаһқа вә пәйғәмбәргә итаәт қилидикән, улар (ахирәттә) аллаһниң немитигә еришкән пәйғәмбәрләр, сиддиқлар (йәни йуқири дәриҗилик пәйғәмбәрләр вә шеһитләр), шеһитләр вә йахшилар билән биллә болиду.

аллаһқа вә пәйғәмбәргә итаәт қилғанларниң мукапати...

аллаһқа вә пәйғәмбәргә итаәт қилғанларниң мукапати...

түркийә авази радийоси: ниса сүриси, 69 – 75 - айәтләр. кимләрки аллаһқа вә пәйғәмбәргә итаәт қилидикән, улар (ахирәттә) аллаһниң немитигә еришкән пәйғәмбәрләр, сиддиқлар (йәни йуқири дәриҗилик пәйғәмбәрләр вә шеһитләр), шеһитләр вә йахшилар билән биллә болиду, улар немидегән йахши һәмраһлар[69]. бу пәзл аллаһ тәрипидиндур, аллаһ (пәзл ـ еһсанға тегишлик болғанларни) билиштә йетәрликтур[70]. и мөминләр! (дүшмәнләрниң шәрридин сақлиниш үчүн) тәййарлиқ һалитидә туруңлар, урушқа түркүм ـ түркүм болуп йаки һәммиңлар бир болуп чиқиңлар[71]. шүбһисизки, араңларда урушқа чиқмай қелип қалғанлар (йәни мунапиқлар) бар, әгәр силәргә бирәр мусибәт (йәни мәғлубийәт йаки қирғинлиқ) кәлсә, (у мунапиқ) «аллаһ маңа һәқиқәтән мәрһәмәт қилди, чүнки мән улар билән (урушта) биллә болмидим (болмиса өлтүрүлгәнләр қатарида өлтүрүлгән болаттим)» дәйду[72]. әгәр силәргә аллаһниң пәзли (йәни ғәлибә вә ғәниймәт) йәтсә, гойа силәр билән у (йәни мунапиқ) ниң арисида һечқандақ достлуқ йоқтикидәк, «кашки мән (урушта) улар билән биллә болған болсам, чоң бир мувәппәқийәткә (йәни ғәниймәттин зор несивигә) еришкән болаттим» дәйду[73]. дунйа тирикчиликини ахирәткә тегишидиғанлар аллаһ йолида (җенини, пул ـ мелини пида қилип) җиһад қилсун, кимки аллаһ йолида җиһад қилип өлтүрүлсә йаки ғәлибә қилса, биз униңға катта әҗир ата қилимиз[74]. (и мөминләр!) силәргә немә болдики, аллаһниң йолида җиһад қилмайсиләр вә (дуа қилип): «и пәрвәрдигаримиз! бу аһалиси залим шәһәрдин  бизни чиқарғин, өз дәргаһиңдин бизгә бир игидарчилиқ қилғучини муйәссәр қил, өз дәргаһиңдин бизгә бир мәдәткарни муйәссәр қил» дәйдиған аҗиз әрләр, аҗиз айаллар вә балиларни қутқузуш үчүн җиһад қилмайсиләр[75].

 



مۇناسىۋەتلىك خەۋەرلەر