мунапиқларниң хуй - пәйли

мунапиқларға: «аллаһ назил қилған китаб тәрәпкә вә пәйғәмбәр тәрәпкә келиңлар» дейилсә, мунапиқларниң сәндин қаттиқ йүз өрүгәнликини көрисән

мунапиқларниң хуй - пәйли

мунапиқларниң хуй - пәйли

түркийә авази радийоси: ниса сүриси, 61 – 68 - айәтләр. улар (йәни мунапиқлар) ға: «аллаһ назил қилған китаб тәрәпкә вә пәйғәмбәр тәрәпкә келиңлар» дейилсә, мунапиқларниң сәндин қаттиқ йүз өрүгәнликини көрисән[61]. қилмишлири түпәйлидин өз бешиға бирәр мусибәт кәлгән чағда, сениң алдиңға келип аллаһ билән қәсәм қилған һалда: «биз пәқәт йахшилиқ вә йаришишнила ирадә қилған идуқ» дегәнләрниң һали қандақ болиду?[62]. әнә шулар (йәни мунапиқлар) (йалған ейтиду), аллаһ уларниң диллиридикини (йәни мунапиқлиқини, микрини) билиду, улардин йүз өрүгин, уларға нәсиһәт қилғин, уларға тәсирлик сөзләрни қилғин[63]. биз һәр қандақ пәйғәмбәрни пәқәт итаәт қилиниш үчүнла әвәттуқ (униңға итаәт қилғанлиқ аллаһқа итаәт қилғанлиқ болиду), улар (йәни мунапиқлар) (сениң һөкимиңни қобул қилмай) өзлиригә зулум қилғанда, саңа келип аллаһтин мәғпирәт тилисә, пәйғәмбәрму улар үчүн мәғпирәт тилисә иди, әлвәттә, улар аллаһни кәчүрүм қилғучи, наһайити меһрибан тапатти[64]. (и муһәммәд!) пәрвәрдигариң билән қәсәмки, улар (йәни мунапиқлар) өз арисидики дәталашқа сени һөкүм чиқиришқа тәклип қилмиғучә, андин сениң чиқарған һөкимиңгә уларниң диллиридики қилчә ғум болсиму йоқалмиғичә вә улар пүтүнләй бойсунмиғичә иман ейтқан болмайду[65]. әгәр биз уларға: «өзүңларни өлтүрүңлар йаки йуртуңлардин чиқип кетиңлар» дәп әмр қилған болсақ (йәни илгирикиләргә йүклигәндәк еғир тәклипни уларға йүклисәк) идуқ, уларниң азғинисидин башқиси буни иҗра қилмайтти, әгәр улар қилинған вәз ـ нәсиһәткә әмәл қилса иди, әлвәттә уларға йахши болатти вә имани мустәһкәм болған болатти (гумраһлиқ вә нифақтин әң йирақ болған болатти)[66]. у чағда дәргаһимиздин уларға әлвәттә бүйүк әҗир (йәни җәннәт) ата қилаттуқ[67]. уларни әлвәттә тоғра йолға һидайәт қилаттуқ[68].

 



مۇناسىۋەتلىك خەۋەرلەر