quran we süriliri bilen tonushtingizmu? (24)

töwende süre hijirning qisqiche mezmuni, nazil bolghan zaman we makanlirini anglitimiz. (awazliq)

quran we süriliri bilen tonushtingizmu? (24)

quran we süriliri bilen tonushtingizmu? (24)

türkiye awazi radiyosi: hörmetlik radiyo anglighuchi qérindashlar ésinglarda bolsa kérek, «quran we süriliri bilen tonushtingizmu?» namliq pirogrammimizning aldinqi bölimide silerge süre ibrahimning atilishi, qisqiche mezmuni, nazil bolghan zaman we makanlirini anglatqan iduq. bügünki bölümide bolsa, süre hijirning atilishi, qisqiche mezmuni, nazil bolghan zaman we makanlirini  anglitimiz.

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

süre hijir heqqide qisqiche chüshenche

atilishi:

sürining ismi 80- ayitidiki "kَذَّbَ أَصْحَabُ alحِjْrِ alْmُrْsَlِynَ" «hijrilikler peyghemberlerni inkar qildi» dégen sözdin ilinghan.

nazil bolghan waqti:

mezmunidin we bayan uslubidin qarighanda bu sürining süre ibrahim bilen uliship nazil bolghanliqini aydinglashturiwalghili bolidu. buni arqa körinishide mundaq ikki alahidilik namayen bolidu. birinchidin, peyghember eleyhissalam dewet qiliwatqini xéli uzun zaman bolup qalghan bolsimu, emma xitab qiliniwatqan qewm tersaliqta, qarshilishishta we zulum – sitem qilishta chikige yetken bolghachqa chüshendurush azraq, agahlandurush we tenbih qilish tüsi téximu qoyuqraq gewdilinidu.

ikkinchidin, öz qewmining xuddi tagh, chuqiliridek qatmal kupirliq we qarshiliqlirigha taqabil turush yolida peyghember eleyhissalamgha bir az harghunluq yetken, ümütsizlinish keypiyati qayta – qayta chirmiwélip barghanliqi, buni körgen allah taalaning peyghember eleyhissalamgha teselli birip, himmitige himmet qoshiwatqili namayen qilinidu.  

**** ** *** **** **** ***** ****

qisqiche mezmuni:

süride del mushu ikki téma yeni, peyghember eleyhissalamning dewitini inkar qiliwatqanlar bilen peyghember eleyhissalamni mesxire qilip, xizmitige tosqunluq  qiliwatqanlarni qattiq agahlandurush, peyghember eleyhissalamgha bolsa, teselli we himmet bérish asasliq mezmun qilinidu. emma bu hergizmu «süride chushendurush we nesihet qilish yoq" dégenlik bolmaydu. allah taa quranning hichqandaq yéride yalghuz tenbih, tene, malametler bilenla ish tutqan emes, belki shunche qattiq agahlandurush we malamet qilish dawamidimu nesihet bilen chirayliq chushendurushni qetiy kémeytip qoymighan. shunglashqa bu süridimu bir terepte yéghinchaq qilip tewhidke dalalet qilghan bolsa, yene bir terepte adem eleyhissalam bilen sheytanning qissisini anglitish arqiliq chirayliq nesihet qilghan.      

**** ** *** **** **** ***** ****

hörmetlik qérindashlar waqit munasiwiti bilen «quran we süriliri bilen tonushtingizmu?» namliq pirogrammimizni mushu yerde toxtitimiz. inshaallah pirogrammizning kéler heptilik bölimide süre nehilning tarixiy arqa körinishi, nazil bolush sewepliri we mezmunini anglitimiz.

kéler hepte yene oxshash waqitta diqqitinglar anglitishimizda bolsun. xeyr xosh.

 



مۇناسىۋەتلىك خەۋەرلەر