қуран вә сүрилири билән тонуштиңизму? (24)

төвәндә сүрә һиҗирниң қисқичә мәзмуни, назил болған заман вә маканлирини аңлитимиз. (авазлиқ)

қуран вә сүрилири билән тонуштиңизму? (24)

қуран вә сүрилири билән тонуштиңизму? (24)

түркийә авази радийоси: һөрмәтлик радийо аңлиғучи қериндашлар есиңларда болса керәк, «қуран вә сүрилири билән тонуштиңизму?» намлиқ пирограммимизниң алдинқи бөлимидә силәргә сүрә ибраһимниң атилиши, қисқичә мәзмуни, назил болған заман вә маканлирини аңлатқан идуқ. бүгүнки бөлүмидә болса, сүрә һиҗирниң атилиши, қисқичә мәзмуни, назил болған заман вә маканлирини  аңлитимиз.

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

сүрә һиҗир һәққидә қисқичә чүшәнчә

атилиши:

сүриниң исми 80- айитидики "кَذَّбَ أَصْحَабُ алحِҗْрِ алْмُрْсَлِйнَ" «һиҗриликләр пәйғәмбәрләрни инкар қилди» дегән сөздин илинған.

назил болған вақти:

мәзмунидин вә байан услубидин қариғанда бу сүриниң сүрә ибраһим билән улишип назил болғанлиқини айдиңлаштуривалғили болиду. буни арқа көринишидә мундақ икки алаһидилик намайән болиду. биринчидин, пәйғәмбәр әләйһиссалам дәвәт қиливатқини хели узун заман болуп қалған болсиму, әмма хитаб қилиниватқан қәвм тәрсалиқта, қаршилишишта вә зулум – ситәм қилишта чикигә йәткән болғачқа чүшәндуруш азрақ, агаһландуруш вә тәнбиһ қилиш түси техиму қойуқрақ гәвдилиниду.

иккинчидин, өз қәвминиң худди тағ, чуқилиридәк қатмал купирлиқ вә қаршилиқлириға тақабил туруш йолида пәйғәмбәр әләйһиссаламға бир аз һарғунлуқ йәткән, үмүтсизлиниш кәйпийати қайта – қайта чирмивелип барғанлиқи, буни көргән аллаһ тааланиң пәйғәмбәр әләйһиссаламға тәсәлли бирип, һиммитигә һиммәт қошиватқили намайән қилиниду.  

**** ** *** **** **** ***** ****

қисқичә мәзмуни:

сүридә дәл мушу икки тема йәни, пәйғәмбәр әләйһиссаламниң дәвитини инкар қиливатқанлар билән пәйғәмбәр әләйһиссаламни мәсхирә қилип, хизмитигә тосқунлуқ  қиливатқанларни қаттиқ агаһландуруш, пәйғәмбәр әләйһиссаламға болса, тәсәлли вә һиммәт бериш асаслиқ мәзмун қилиниду. әмма бу һәргизму «сүридә чушәндуруш вә нәсиһәт қилиш йоқ" дегәнлик болмайду. аллаһ таа қуранниң һичқандақ йеридә йалғуз тәнбиһ, тәнә, маламәтләр биләнла иш тутқан әмәс, бәлки шунчә қаттиқ агаһландуруш вә маламәт қилиш давамидиму нәсиһәт билән чирайлиқ чушәндурушни қәтий кемәйтип қоймиған. шуңлашқа бу сүридиму бир тәрәптә йеғинчақ қилип тәвһидкә далаләт қилған болса, йәнә бир тәрәптә адәм әләйһиссалам билән шәйтанниң қиссисини аңлитиш арқилиқ чирайлиқ нәсиһәт қилған.      

**** ** *** **** **** ***** ****

һөрмәтлик қериндашлар вақит мунасивити билән «қуран вә сүрилири билән тонуштиңизму?» намлиқ пирограммимизни мушу йәрдә тохтитимиз. иншааллаһ пирограммизниң келәр һәптилик бөлимидә сүрә нәһилниң тарихий арқа көриниши, назил болуш сәвәплири вә мәзмунини аңлитимиз.

келәр һәптә йәнә охшаш вақитта диққитиңлар аңлитишимизда болсун. хәйр хош.

 



مۇناسىۋەتلىك خەۋەرلەر