бешиға күн чүшкән чағда, әмди тәвбә қилдим, дегүчиләрниң тәвбиси қобул қилинмайду

давамлиқ йаман ишларни қилип бешиға өлүм кәлгән чағда, әмди тәвбә қилдим, дегүчиләрниң тәвбиси вә капир пети өлгүчиләрниң тәвбиси (йәни өлүм алдида иман ейттим дегүчиләрниң имани) қобул қилинмайду.

бешиға күн чүшкән чағда, әмди тәвбә қилдим, дегүчиләрниң тәвбиси қобул қилинмайду

бешиға күн чүшкән чағда, әмди тәвбә қилдим, дегүчиләрниң тәвбиси қобул қилинмайду

түркийә авази радийоси: ниса сүриси, 13 – 18 - айәтләр. әнә шулар (йәни аллаһ бәндилириниң әмәл қилиши үчүн бәлгиләп бәргән йуқиридики әһкамлар) аллаһниң қанунлиридур, кимки аллаһқа вә униң пәйғәмбиригә итаәт қилидикән, аллаһ уни астидин өстәңлар еқип туридиған җәннәтләргә киргүзиду, у у йәрләрдә мәңгү қалиду. бу чоң мувәппәқийәт қазиништур[13]. кимки аллаһқа вә пәйғәмбиригә асийлиқ қилип, аллаһниң қанунлириниң сиртиға чиқип кетидикән, аллаһ уни дозахқа киргүзиду, у дозахта мәңгү қалиду, хорлиғучи азабқа дучар болиду[14]. айаллириңлардин паһишә қилғанларни (испатлаш үчүн) араңлардин төт гуваһчи кәлтүрүңлар؛ әгәр улар гуваһлиқ бәрсә (йәни улар гуваһлиқ берип айалниң җинайитини испатлиса), таки айаллириңлар вапат болғанға йаки аллаһ уларға бир чиқиш йоли бәргәнгә қәдәр уларни өйдә тутуңлар[15]. араңларда икки киши (йәни әр билән айал) паһишә қилса, уларни әйибләңлар؛ әгәр улар тәвбә қилип түзәлсә, уларни кәчүрүңлар, аллаһ тәвбини бәкму қобул қилғучидур, толиму меһрибандур[16]. аллаһ қобул қилишни вәдә қилған тәвбә йаманлиқни наданлиқтин қилип селип, андин узунға қалмай (йәни өлүм келиштин бурун) тәвбә қилғанларниң тәвбисидур؛ аллаһ әнә шуларниң тәвбисини қобул қилиду, аллаһ һәммини билип турғучидур, һекмәт билән иш қилғучидур[17]. давамлиқ йаман ишларни қилип бешиға өлүм кәлгән чағда, әмди тәвбә қилдим, дегүчиләрниң тәвбиси вә капир пети өлгүчиләрниң тәвбиси (йәни өлүм алдида иман ейттим дегүчиләрниң имани) қобул қилинмайду. әнә шулар қаттиқ азаб тәййарлидуқ[18].

 



مۇناسىۋەتلىك خەۋەرلەر