аллаһ тааланиң балилириңлар (ға тегидиған мирас) һәққидики тәвсийәси мундақ

аллаһ балилириңлар (ға тегидиған мирас) һәққидә тәвсийә қилидуки, бир әргә икки айалниң һәссиси тегиду.

аллаһ тааланиң балилириңлар (ға тегидиған мирас) һәққидики тәвсийәси мундақ

аллаһ тааланиң балилириңлар (ға тегидиған мирас) һәққидики тәвсийәси мундақ

түркийә авази радийоси: ниса сүриси, 11 – 12 - айәтләр. аллаһ балилириңлар (ға тегидиған мирас) һәққидә тәвсийә қилидуки, бир әргә икки айалниң һәссиси тегиду, әгәр мейитниң қизи (икки йаки) иккидин көп болса, у чағда уларға мирасниң үчтин икки һәссиси тегиду, әгәр (варис) бир қиз болидиған болса, униңға мирасниң йерими тегиду, әгәр мейитниң балилири болса, бу чағда униң ата ـ анисиниң һәр биригә мирасниң алтидин бири тегиду. әгәр униң балилири болмай мирасқа пәқәт униң ата ـ аниси варислиқ қилидиған болса, бу чағда униң анисиға мирасниң үчтин бири тегиду (қалғини атисиға тегиду). әгәр мейитниң (ата ـ анисидин башқа йәнә) қериндашлири болса, анисиға мирасниң алтидин бири тегиду (қалғинини атиси алиду). (бу тәқсимат) мейитниң вәсийити орунланған вә қәрзи төлинип болғандин кейин елип берилиду. ата ـ анаңлар вә балилириңлардин (йәни бу иккисидин) қайсисиниң мәнпәәт җәһәттин өзүңларға әң йеқин икәнликини билмәйсиләр, булар аллаһ тәрипидин бекитилгән бәлгилимидур. аллаһ һәқиқәтән һәммини билгүчи, һекмәт билән иш қилғучидур[11]. әгәр айаллириңларниң балилири болмиса, бу чағда улар қалдурған мирасниң йерими (и әрләр!) силәргә тегиду. әгәр уларниң балилири болса, уларға қалдурған мирасниң төттин бири силәргә тегиду. (бу тәқсимат) мейитниң вәсийити орунланған йаки мейитниң қәрзи төлинип болғандин кейин елип берилиду. әгәр силәрниң балилириңлар болмиса, бу чағда айаллириңларға силәр қалдурған мирасниң төттин бири тегиду, әгәр силәрниң балилириңлар болса, бу чағда айалиңларға силәр қалдурған мирастин сәккиздин бири тегиду. (бу тәқсимат) мейитниң вәсийити орунланған йаки қәрзи төлинип болғандин кейин елип берилиду. әгәр мирас қалдурғучи ата ـ анисиз, балисиз әр йаки айал болуп, униң пәқәт ана бир қериндиши вә ана бир һәмшириси болса, уларниң һәр биригә мирасниң алтидин бири тегиду. әгәр мирас қалдурғучиниң (йәни мирас қалдурғучи мейитниң ана бир, ата башқа) қериндашлири вә һәмширилири буниңдин (йәни бирдин) көп болса, у чағда мирасниң үчтин бири уларниң арисида ортақ тәқсим қилиниду. (бу тәқсимат) мейитниң вәсийити орунланған йаки қәрзи төлинип болғандин кейин елип берилиду. (мирас қалдурғучи адәмниң) вәсийити варисларға зийан йәткүзмәйдиған болуши керәк. у аллаһ тәрипидин қилинған тәвсийидур, аллаһ һәммини билгүчидур, һәлимдур (йәни әмригә хилаплиқ қилғучиларни җазалашқа алдирап кәтмәйду)[12].

 



مۇناسىۋەتلىك خەۋەرلەر