erdoghan iptarda senetchiler we tenterbiyechiler bilen uchrashti

jumhur reis rejep tayyip erdoghan repiqisi emine erdoghan bilen birlikte istanbulda bérilgen iptar ziyapitide, senetchiler we tenterbiyechiler bilen bir yerge jem boldi.

erdoghan iptarda senetchiler we tenterbiyechiler bilen uchrashti

türkiye awazi radiyosi xewiri: erdoghan bu yerde qilghan sözide, ilim – érpandin xaliy bir medeniyetning,  senet we exlaqtin xaliy bir tenterbiyening héchnémige esqatmaydighanliqini eskertish bilen bir waqitta, medeniyet - senet we tenterbiye melum guruppighila ait bolush chüshenchisining döletke héchqandaq paydisi bolmighanning sirtida, eksiche bundaq pozitsiyening her sahede köngülsizlikke seweb bolidighanliqini tekitlep mundaq dédi: «türkiyening küchi we iqtidari bilen medeniyet – senet we tenterbiye sahesidiki orni bir – birige mas emes. ilim – érpandin xaliy bir medeniyet - senet we exlaqtin xaliy bir tenterbiye héchnémige esqatmaydu, bundaq kétiwersek, dunyada tégishlik orun élishni emes, xelqimizning eng kichik ümidinimu aqliyalmaymiz.»

döletning medeniyet – senette we tenterbiyede bashquridighan emes, qollaydighan, teshwiq qilidighan orunda turushi lazimliqini tekitligen erdoghan, pirinsip jehettin senetchilerning dölet memuri bolushini toghra dep qarimaydighanliqini, emma barliq senetchiler paaliyetlirini öz saheseside élip barsa eng toghra bolidu, dep qaraydighanliqini qeyt qildi.

tenterbiyechiler we senetchilerning ammigha ülge bolidighan shexsler ikenlikini tekitligen erdoghan, «bu mesuliyetning höddisidin chiqalmighanlar peqet özlirigila emes, xelqimizgimu ziyan yetküzidighanliqlirini bilishliri kérek» dédi.

istanbul taksimdiki atatürk medeniyet merkizining chéqilip, ornigha yéngi bir muessesening berpa qilinidighanliqini eskertken erdoghan, pilan layihesining tamamlanghanliqini, buningdin kéyin bu pilanning ijra qilinidighanliqinimu sözlirige ilawe qildi.



مۇناسىۋەتلىك خەۋەرلەر