и инсанлар! пәрвәрдигариңлардин қорқуңлар

аллаһ һәқиқәтән силәрни (йәни пүтүн әһвалиңларни) көзитип турғучидур.

и инсанлар! пәрвәрдигариңлардин қорқуңлар

и инсанлар! пәрвәрдигариңлардин қорқуңлар

түркийә авази радийоси: ниса сүриси, 1 – 5 - айәтләр. и инсанлар! силәрни бир инсандин (йәни адәм әләйһиссаламдин) йаратқан, шу инсандин (йәни өз җинсидин) униң җүптини (йәни һәввани) йаратқан вә улардин (йәни адәм билән һәввадин) нурғун әр ـ айалларни йаратқан пәрвәрдигариңлардин қорқуңлар, бир ـ бириңлардин нәрсә сориғанда нами билән сорайдиған аллаһтин қорқуңлар, силә ـ рәһимни үзүп қойуштин сақлиниңлар. аллаһ һәқиқәтән силәрни (йәни пүтүн әһвалиңларни) көзитип турғучидур[1]. йетимләрниң мал ـ мүлкини (улар балағәткә йәткән чағда) бериңлар, йахшисини йаманға (йәни уларниң маллириниң йахшисини өзүңларниң маллириңларниң йаминиға) тегишивалмаңлар؛ уларниң мал ـ мүлкини өзүңларниң мал ـ мүлкигә қошуп йәвалмаңлар. бу һәқиқәтән чоң гунаһтур[2]. әгәр йетим қизларға (өйлинип) адил муамилидә болалмаслиқиңлардин (йәни тәрбийәңларда бирәр йетим қиз болуп, униңға шу қизға баравәр туридиған қизға берилидиған мәһрини берәлмәсликиңлардин) қорқсаңлар, уни тәрк етип, өзүңлар йақтуридиған башқа айаллардин иккини, үчни вә төтни елишиңларға болиду, әгәр (уларниң арисида) адил болалмаслиқиңлардин қорқсаңлар, бир хотун билән йаки қол астиңлардики чөриләр билән купайиләнсәңлар болиду. бир хотун билән купайилиниш зулум қилмаслиққа әң йеқиндур[3]. айалларға уларниң мәһрилирини хушаллиқ билән совға қилип бериңлар. әгәр улар униңдин бир қисмини силәргә өтүнүп бәрсә, уни мәззилик, сиңишлиқ (йәни пак ـ һалал билип) йәңлар[4]. аллаһ тирикчиликиңларниң асаси қилған маллириңларни әхмәқләргә тутқузуп қоймаңлар, уларни йемәк ـ ичмәк, кийим ـ кечәкләр билән тәминләңлар. уларға чирайлиқ сөз қилиңлар[5].

 



مۇناسىۋەتلىك خەۋەرلەر