пәрвәрдигаримиз! бизгә пәйғәмбәрлириң арқилиқ вәдә қилған нәрсини бәргин

уларниң дуасини пәрвәрдигари иҗабәт қилди.

пәрвәрдигаримиз! бизгә пәйғәмбәрлириң арқилиқ вәдә қилған нәрсини бәргин

пәрвәрдигаримиз! бизгә пәйғәмбәрлириң арқилиқ вәдә қилған нәрсини бәгин

түркийә авази радийоси: ал имран сүриси, 194 – 200 - айәтләр. пәрвәрдигаримиз! бизгә пәйғәмбәрлириң арқилиқ вәдә қилған нәрсини (йәни итаәт қилғанларға хас болған җәннәтни) бәргин, қийамәт күни бизни рәсва қилмиғин. сән һәқиқәтән вәдәңгә хилаплиқ қилмайсән»[194]. уларниң дуасини пәрвәрдигари иҗабәт қилди: «мән силәрдин әр болсун, айал болсун, һәр қандақ бир йахши иш қилғучиниң қилған әмәлини бикар қиливәтмәймән, силәр бир ـ бириңлардин төрәлгән. һиҗрәт қилғанлар, йуртлиридин һәйдәп чиқирилғанлар, мениң йолумда (йәни аллаһниң дини үчүн) әзийәт тартқанлар, урушқа қатнашқанлар, (йәни мениң йолумда урушқанлар) вә мениң йолумда өлтүрүлгәнләрниң гунаһлирини (мәғпиритим вә рәһмитим билән) әлвәттә, уларни астидин өстәңлар еқип туридиған җәннәтләргә киргүзимән». бу (уларниң йахши әмәллири үчүн) аллаһ тәрипидин берилгән мукапаттур. аллаһниң дәргаһида йахши мукапат (йәни җәннәт) бар[195]. капирларниң (пул ـ мал, абруй, мәртивә издәш йүзисидин) шәһәрләрдә кезип йүрүшлири сени алдимисун[196]. бу азғина бәһримән болуштур, кәлгүсидә уларниң җайи җәһәннәм болиду. у немидегән йаман төшәк![197]. пәрвәрдигариға тәқвадарлиқ қилған кишиләр астидин өстәңлар еқип туридиған җәннәтләрдин бәһримән болуп, у йәрдә мәңгү қалиду. бу, аллаһ тәрипидин болған күтүвелиштур. аллаһниң дәргаһидики нәрсиләр (йәни мукапат вә һөрмәт) йахши бәндиләр үчүн (куффарлар бәһримән болған бақаси йоқ азғина раһәттин) артуқтур[198]. әһли китаб арисида һәқиқәтән аллаһқа иман кәлтүридиған, силәргә назил болған китабқа (йәни қуранға), өзлиригә назил болған китабқа (йәни тәвратқа вә инҗилға) ишинидиғанлар бар؛ улар аллаһтин қорқиду, аллаһниң айәтлирини азғина бәдәлгә тегишмәйду (йәни уларниң китаблиридики муһәммәд әләйһиссаламниң сүпәтлири вә шәриәт әһкамлирини, раһибларға охшаш, дунйаниң әрзимәс нәрсилирини дәп өзгәртивәтмәйду), уларға пәрвәрдигариниң дәргаһида саваб берилиду. аллаһ һәқиқәтән тез һесаб алғучидур[199]. и мөминләр! таәт ـ ибадәтниң мушәққәтлиригә вә силәргә йәткән еғирчилиқларға сәвр қилиңлар, дүшмәнләргә зийадә чидамлиқ болуңлар, (чегралириңларни сақлап) җиһадқа тәййар туруңлар, мәқситиңларға йетиш үчүн аллаһтин қорқуңлар (йәни униң әмригә мухалипәтчилик қилмаңлар)[200].

 



مۇناسىۋەتلىك خەۋەرلەر