әрдоған: түркийәни парчилашқа һечкимниң күчи йәтмәйду

җумһур рәис рәҗәп таййип әрдоған түркийәни парчилашқа һечкимниң күчи йәтмәйдиғанлиқини ейтти.

511179
әрдоған: түркийәни парчилашқа һечкимниң күчи йәтмәйду
erdoğan, mardin'de.jpg

түркийә авази радийоси хәвири: җумһур рәис рәҗәп таййип әрдоған мардинда вәзипә өтәватқан 30 – машинилашқан қисимни зийарәт қилип, бу йәрдики әскәрләр билән бирликтә иптар қилди. әрдоған иптардин кейин сөзлигән нутиқида, бултур 20 – ийулдин тартип һазирғичә террорлуқ тәшкилати п к к ға қарши елип бериливатқан зәрбә бериш һәрикәтлиридә наһайити зор мувәппәқийәтләрниң қолға кәлтүрүлгәнликини қәйт қилди,  мәктәпләр, ибадәтханилар вә мәсум кишиләрниң өй – маканлириға от қойуп берип, булаңчилиқ қилип, қутқузуш машинилириға һуҗум қилип, йеши кичик қизларни елип қачқан террористларниң қәтлиамлиридин қачқан хәлқ аммисиниң өз йуртиға қайтиши үчүн керәклик тәдбирләрниң елинидиғанлиқини вә муһим хизмәтләрниң ишлинидиғанлиқини әскәртти,  п к к ниң зулмиға учриған хәлқниң сунған көңлини тәскин тапқузушниң наһайити зор әһмийәткә игә икәнликини тәкитләп мундақ деди: «шәрқий җәнубий анадолу районида йашаватқан хәлқимизниң ичидә вәтинимиз үчүн һәммидин ваз кечәләйдиған, әзиз җенини пида қилалайдиған қериндашлиримиз бар. 11  вилайәт, 1 наһийәдә террорлуқ тәшкилати п к к ға қарши елип бериливатқан зәрбә бериш һәрикәтлири мувәппәқийәтлик ахирлашти, бирақ терроризмға қарши күрәш адаққичә давамлишиду. бизни парчилашқа урунуватқанларға бирлик вә баравәрлик, бир байрақ, бир вәтән шоари астида күрәш қилиш арқилиқ инкас қайтуримиз. дөлитимизни парчилашқа һечкимниң күчи йәтмәйду.»



مۇناسىۋەتلىك خەۋەرلەر