түркийәдики милйонерларниң сани елан қилинди

түркийәдики милйонерларниң банкилардики барлиқ пулиниң миқдари 1 тирилйон 24 милйард 25 милйон лира әтрапида икән.

түркийәдики милйонерларниң сани елан қилинди

түркийә авази радийоси хәвири: түркийәдики милйонерлар банка һесабатлириға бултур 144 милйард 300 милйон лиралиқ ташқи пировут, 41 милйард 500 милйон лиралиқ түрк лираси вә  2 милйард 600 милйон лиралиқ алтун қошти.

банкичилиқ хизмәтлирини тәртипкә селиш вә назарәт қилиш идарисиниң билдүрүшичә, 2018-йилниң ахиридин башлап түркийәдики банка һесаблирида 1 милйон лира вә униңдин көп болған пулиси бар 161 миң 800 киши бар икән.

бу милйонерларниң банкилардики барлиқ пулиниң миқдари 1 тирилйон 24 милйард 25 милйон лира әтрапида икән.

милйонерларниң банкилардики пуллириниң тарқилиш әһвалиға қариғанда, буниң 465 милйард 687 милйон лирасини йәрлик пул, 552 милйард 519 милйон лирасини ташқи пировут, 5 милйард 819 милйон лирасини болса қиммәтлик мәдән байлиқи тәшкил қилиду.

бултурниң ахирида милйонерларниң һесабатида 3 милйард 175 милйон лиралиқ алтун, 408 милйард 209 милйон лиралиқ ташқи пировут вә 424 милйард 237 милйон лиралиқ түрк лираси  пул бар икән.

милйонерлар бултур һесаблириға тәхминән 2 милйард 600 милйон лиралиқ алтун, 144 милйард 300 милйон лиралиқ ташқи пировут, 41 милйард 500 милйон лиралиқ түрк лираси қошти.



مۇناسىۋەتلىك خەۋەرلەر