seudi erebistanda sumitomo mitsuining tunji shöbisi échildi

yaponiyening sumitomo mitsui bankisi seudi erebistandiki tunji shöbisini xizmetke kirishtürdi.

seudi erebistanda sumitomo mitsuining tunji shöbisi échildi

türkiye awazi radiyosi xewiri: seudi erebistan resmiy xewer agéntliqi – spaning xewer qilishiche, sumitomo mitsui bankisi seudi erebistandiki tunji shöbisini paytext riyadta achqan.

sumitomu mitsui bankisi shöbisining échilish murasimigha ishtirak qilghan yaponiyening riyadta turushluq bash elchisi tsukasa uémura, sumitomo bankisining dunyaning eng chong bankilirining biri ikenlikini we maliye mesiliside yuqiri tejribige ige ikenlikini éytqan.

bash elchisi tsukasa uémura, bankining bu shöbisining échilishi bilen téximu köp yapon meblegh salghuchining seudi erebistangha kélishini ümid qilidighanliqini eskertken.

seudi erebistan 2014 – yili néfit bahasining töwenlep kétishidin kéyin, döletke yéngi sélinmilarni jelp qilish meqsitide chet el bankilirining shöbilirining échilishi üchün béjirishke tégishlik resmiyetlerni qolaylashturush yolida qedem tashlighanidi.

nöwette seudi erebistanda 12 mehelliy, 13 chet el bankisi bar.



مۇناسىۋەتلىك خەۋەرلەر