сәуди әрәбистанда сумитомо митсуиниң тунҗи шөбиси ечилди

йапонийәниң сумитомо митсуи банкиси сәуди әрәбистандики тунҗи шөбисини хизмәткә кириштүрди.

сәуди әрәбистанда сумитомо митсуиниң тунҗи шөбиси ечилди

түркийә авази радийоси хәвири: сәуди әрәбистан рәсмий хәвәр агентлиқи – спаниң хәвәр қилишичә, сумитомо митсуи банкиси сәуди әрәбистандики тунҗи шөбисини пайтәхт рийадта ачқан.

сумитому митсуи банкиси шөбисиниң ечилиш мурасимиға иштирак қилған йапонийәниң рийадта турушлуқ баш әлчиси тсукаса уемура, сумитомо банкисиниң дунйаниң әң чоң банкилириниң бири икәнликини вә малийә мәсилисидә йуқири тәҗрибигә игә икәнликини ейтқан.

баш әлчиси тсукаса уемура, банкиниң бу шөбисиниң ечилиши билән техиму көп йапон мәбләғ салғучиниң сәуди әрәбистанға келишини үмид қилидиғанлиқини әскәрткән.

сәуди әрәбистан 2014 – йили нефит баһасиниң төвәнләп кетишидин кейин, дөләткә йеңи селинмиларни җәлп қилиш мәқситидә чәт әл банкилириниң шөбилириниң ечилиши үчүн беҗиришкә тегишлик рәсмийәтләрни қолайлаштуруш йолида қәдәм ташлиғаниди.

нөвәттә сәуди әрәбистанда 12 мәһәллий, 13 чәт әл банкиси бар.



مۇناسىۋەتلىك خەۋەرلەر