400 amérikaliq döletning %60 nopusidin bay

eng bay 400 amérikaliqning mal-mülkining, dölet nopusining %60 ge teng kélidighan 150 milyon kishining mal-mülkidinmu köp ikenliki élan qilindi.

400 amérikaliq döletning %60 nopusidin bay

türkiye awazi radiyosi: bayliq barawersizliki heqqidiki bir tetqiqat netijiside körsitilishiche, 1980-yillarning béshidin tartip eng bay 400 amérikaliq mal-mülkini üch qatlighan.

kaliforniye uniwérstétining iqtisadshunasi gabriyél zujmen teripidin teyyarlanghan dunyadiki dunyadiki barawersizlik sanliq melumatliri doklatida qeyt qilinishiche, amérikaning eng bay kishiliri bilen eng kembeghel kishiliri arisidiki perq téximu chongayghan.

doklatta, amérika nopusining %0.00025 ge teng kélidighan eng bay 400 amérikaliqning mal-mülkining, döletning %60 ge teng kélidighan jemiyetning töwen qatlimidiki150 milyon kishining mal-mülkidinmu artuq ikenliki bildürüldi.

doklatqa asaslanghanda, 1987-yili jemiyettiki %60 lik nopusning dölet bayliqidiki nisbiti %5.7 bolghan bolsa, 2014-yili %2.1 bolghan.

gabriyél zujmenning doklatida, baylarning mal-mülkini éniqlashta, aptomobil, öy jabduqliri qatarliq shexsiy buyumlirini sanash nahayiti qiyin bolghanliqi üchün mal-mülük tizimlikige kirgüzülmigenliki, yene kélip bezi mal-mülükler bajdin mexpiy tutulghanliqi üchün, yéqinqi 10 yilda téz sürette bay bolghanlarning mal-mülkini hésablashning téximu qiyinliqi qeyt qilindi.

bayliqlarning jemiyettiki az sanliq kishilerning qolida toplinishining, töwen we ottura qatlam aililiridiki bixeterlik tuyghusini kücheytiwétidighanliqi agahlandurulghan doklatta, küchini we bayliqlirini siyasetke tesir körsitish üchün ishletken milyadérlarning qoligha toplanghanliqini we bu kishilerning siyasiy tengpungluqni özining paydisigha özgertidighanliqi tekitlendi.


خەتكۈچ: mal-mülük , bay

مۇناسىۋەتلىك خەۋەرلەر