400 америкалиқ дөләтниң %60 нопусидин бай

әң бай 400 америкалиқниң мал-мүлкиниң, дөләт нопусиниң %60 гә тәң келидиған 150 милйон кишиниң мал-мүлкидинму көп икәнлики елан қилинди.

400 америкалиқ дөләтниң %60 нопусидин бай

түркийә авази радийоси: байлиқ баравәрсизлики һәққидики бир тәтқиқат нәтиҗисидә көрситилишичә, 1980-йилларниң бешидин тартип әң бай 400 америкалиқ мал-мүлкини үч қатлиған.

калифорнийә универстетиниң иқтисадшунаси габрийел зуҗмән тәрипидин тәййарланған дунйадики дунйадики баравәрсизлик санлиқ мәлуматлири доклатида қәйт қилинишичә, американиң әң бай кишилири билән әң кәмбәғәл кишилири арисидики пәрқ техиму чоңайған.

доклатта, америка нопусиниң %0.00025 гә тәң келидиған әң бай 400 америкалиқниң мал-мүлкиниң, дөләтниң %60 гә тәң келидиған җәмийәтниң төвән қатлимидики150 милйон кишиниң мал-мүлкидинму артуқ икәнлики билдүрүлди.

доклатқа асасланғанда, 1987-йили җәмийәттики %60 лик нопусниң дөләт байлиқидики нисбити %5.7 болған болса, 2014-йили %2.1 болған.

габрийел зуҗмәнниң доклатида, байларниң мал-мүлкини ениқлашта, аптомобил, өй җабдуқлири қатарлиқ шәхсий буйумлирини санаш наһайити қийин болғанлиқи үчүн мал-мүлүк тизимликигә киргүзүлмигәнлики, йәнә келип бәзи мал-мүлүкләр баҗдин мәхпий тутулғанлиқи үчүн, йеқинқи 10 йилда тез сүрәттә бай болғанларниң мал-мүлкини һесаблашниң техиму қийинлиқи қәйт қилинди.

байлиқларниң җәмийәттики аз санлиқ кишиләрниң қолида топлинишиниң, төвән вә оттура қатлам аилилиридики бихәтәрлик туйғусини күчәйтиветидиғанлиқи агаһландурулған доклатта, күчини вә байлиқлирини сийасәткә тәсир көрситиш үчүн ишләткән милйадерларниң қолиға топланғанлиқини вә бу кишиләрниң сийасий тәңпуңлуқни өзиниң пайдисиға өзгәртидиғанлиқи тәкитләнди.


خەتكۈچ: мал-мүлүк , бай

مۇناسىۋەتلىك خەۋەرلەر