tramp dunya bankisi bashliqliqigha malpasni namzat körsetti

pirézidént donald tramp, amérika xezine ishliri ministirliqining xelqara mesililerge mesul meslihetchisi déywid malpasni dunya bankisi bashliqliqigha namzat qilip körsetti.

tramp dunya bankisi bashliqliqigha malpasni namzat körsetti

türkiye awazi radiyosi xewiri: jorj bush we ronald régan dewrliridimu xezine ishliri ministirliqida wezipe ötigen malpas, dunya bankisi toghrisidiki tenqidliri bilen nam chiqarghan bir kishi bolup, 2008 – yilidiki kirizista weyran bolghan Bear Stearns ta bash iqtisadshunas bolup wezipe ötigenidi. u, merkizi washingtondiki dunya bankisi rehberlik heyitini chirikchilik qilish we bankini bashquralmasliq bilen eyiblimekte idi.

muhapizikarliqi we tramp bilen yéqin munasiwiti barliqi melum malpasning, xitay bilen ötküzülgen soda kirizisige munasiwetlik eng axirqi qétimliq söhbette muhim wezipilerni ötigenliki bildürülmekte.

malpas, dunya bankisi idare heyitidiki döletlerning maqulluqidin ötüp qalsa, yanwar éyida dunya bankisi bashliqliqi wezipisidin istépa bergen jim yongkimning ornigha olturghan bolidu.

amérika taratqulirining xewer qilishiche, malpas trampqa amérika xezine ishliri ministiri stéwén mnuchin we qizi iwanka tramp teripidin tewsiye qilinghan.


خەتكۈچ: dunya bankisi , malpas , amérika

مۇناسىۋەتلىك خەۋەرلەر