трамп дунйа банкиси башлиқлиқиға малпасни намзат көрсәтти

пирезидент доналд трамп, америка хәзинә ишлири министирлиқиниң хәлқара мәсилиләргә мәсул мәслиһәтчиси дейвид малпасни дунйа банкиси башлиқлиқиға намзат қилип көрсәтти.

трамп дунйа банкиси башлиқлиқиға малпасни намзат көрсәтти

түркийә авази радийоси хәвири: җорҗ буш вә роналд реган дәврлиридиму хәзинә ишлири министирлиқида вәзипә өтигән малпас, дунйа банкиси тоғрисидики тәнқидлири билән нам чиқарған бир киши болуп, 2008 – йилидики киризиста вәйран болған Bear Stearns та баш иқтисадшунас болуп вәзипә өтигәниди. у, мәркизи вашингтондики дунйа банкиси рәһбәрлик һәйитини чирикчилик қилиш вә банкини башқуралмаслиқ билән әйиблимәктә иди.

муһапизикарлиқи вә трамп билән йеқин мунасивити барлиқи мәлум малпасниң, хитай билән өткүзүлгән сода киризисигә мунасивәтлик әң ахирқи қетимлиқ сөһбәттә муһим вәзипиләрни өтигәнлики билдүрүлмәктә.

малпас, дунйа банкиси идарә һәйитидики дөләтләрниң мақуллуқидин өтүп қалса, йанвар ейида дунйа банкиси башлиқлиқи вәзиписидин истепа бәргән җим йоңкимниң орниға олтурған болиду.

америка таратқулириниң хәвәр қилишичә, малпас трампқа америка хәзинә ишлири министири стевен мнучин вә қизи иванка трамп тәрипидин тәвсийә қилинған.



مۇناسىۋەتلىك خەۋەرلەر