hindistan xitaydin üstünlükini ishqa ashuridighan chabahar portini ötküzüwaldi

türkiye awazi radiyosi xewiri: hindistan iranning jenubidiki omman déngizi sahiligha jaylashqan stiratégiyelik ehmiyiti yuqiri chabahar portining bir qisimining bashqurulushini ötküzüwalghanliqini élan qildi.

hindistan hökümiti teripidin élan qilinghan yazma bayanatta, hindistan hökümiti chabahar shéhit behshetli portining muhim bir qisimining bashqurulishini ötküzuwaldi» déyildi.

bayanatta, chabahar porti yolichi istansisi, téransport esliheliri we ishxana binasining bashqurulishini ötküzüwélish resmiyetlirining 29 – dikabirda axirlashqanliqi, hindistanning tarixida tunji qétim öz tiritoriyesi sirtida bir portning bashqurulushini öz üstige alghanliqi tekitlendi. 

chabahar porti layihesi iranning sherqiy jenubidin bashlighanche afghanistan we ottura asiyagha tutushidighan transport yolining qorughluq we tömür yolliri liniyelirinimu öz ichige alidu.

kélishim 2016 – yili 23 – mayda pirézidént hesen ruhani, afghanistan pirézidénti eshref gheni we hindistan bash ministiri naréndira mudimu qatnashqan alahide murasim bilen iranning paytexti téhranda imzalanghan idi.

dunyaning eng muhim énérgiye transport yolliridin birsi hésablinidighan bu port irandin bashqa yene, hindistan üchünmu istiratégiyelik ehmiyetke ige hésablinidu.

chabahar portigha sélinidighan texminen 1 milyard dollarliq mebleghning 235 milyonluq qismini hindistan öz üstige alghan idi.

hindistan chabahar portida sodini tereqqiy qildurushqa egiship, reqibi pakistandin xatirijem bolushni hemde énérgiye liniyesining bixeterlikini ishqa ashurush üchün pakistanning guwadir portini ijarige alghan xitaydinmu üstünlükni ishqa ashurushni pilanlimaqta.

amérika chabahar portini irangha yürgüzülgen émbargolarning sirtida tutqan idi.