dunya iqtisadiy tereqqiyat mölcherliri töwenlitildi

dunya bankasi 2018, 2019 we 2020-yillirigha munasiwetlik iqtisadiy tereqqiyat mölcherlirini töwenletti.

dunya iqtisadiy tereqqiyat mölcherliri töwenlitildi

türkiye awazi radiyosi xewiri: dunya bankasining «dunya iqtisadi ehwali» namliq doklatida, 2018-yilning axirigha munasiwetlik dunya iqtisadiy tereqqiyat mölcherlirini %3.1 din %3 ge, 2019-yili üchün %3 din %2.9 ge töwenletti.

doklatta, 2020-yili heqqide dunya iqtisadiy tereqqiyat mölcherlirining %2.9 din %2.8 ge töwenlitilgenliki, 2021-yilda bolsa, iqtisadiy tereqqiyatining %2.8 sewiyeside bolidighanliqi qeyt qilindi.

doklatta, xelqara soda paaliyetliri süritining astilighanliqi, dunya soda yirikchiliklirining köpeygenliki we bezi iqtisadi tereqqiy qilghan chong döletlerning diqqet qilishqa erziydighan bazar bésimigha duch kelgenliki bildürülüsh bilen birge, iqtisadi chong döletlerning 2018-yilning axirida %2.2, 2019-yili %2 sewiyeside tereqqiy qilidighanliqining perez qilinghanliqi eskertildi.

doklatta, amérika iqtisadining 2018-yildiki tereqqiyat mölcherining %2.7 din %2.9 ge östürülgenliki, 2019-yilda %2.5 sewiyeside muqim bolidighanliqi, 2020-yili üchün %2 din %1.7 ge töwenlitilgenliki, 2021-yilda iqtisadiy tereqqiyatning %1.6 sewiyeside bolidighanliqining mölcher qilinghanliqi qeyt qilindi.

doklatta, tashqi sodidiki telepning aziyishi, qerz élish maliyetliri we dawamlishiwatqan siyasiy éniqsizliqlarning, tereqqiy qilghan iqtisadlarning éshishigha izchil bésim shekillendürüshining perez qilinghanliqi bildürüldi.

doklatta yene, yawro rayonining iqtisadiy tereqqiyat mölcherining 2018-yilning axirida %2.1din %1.9 ge, 2019-yildiki iqtisadiy tereqqiyat mölcherining %1.7 din %1.6 ge töwenlitilgenliki qeyt qilindi.

yawro rayonining 2020-yildiki iqtisadiy tereqqiyat mölcherining %1.5 sewiyeside muqim bolidighanliqi eskertilgen doklatta, 2021-yilda iqtisadiy tereqqiyatning %1.3 sewiyeside emelge ashidighanliqining mölcherlengenliki bildürüldi.

2018-yilda tereqqiy qiliwatqan döletler iqtisadiy tereqqiyat mölcherining %4.5 din %4.2 ge töwenlitilgenliki, 2019-yili üchün %4.7 din %4.2 ge, 2020-yili üchün %4.7 din %4.5 ge töwenlitilgenliki, 2021-yilda iqtisadiy tereqqiyatning %4.6 sewiyeside bolidighanliqining mölcherlengenliki qeyt qilindi.

doklatta, türkiyening 2018-yilda iqtisadiy tereqqiyat mölcherining 1 nomurluq aziyish bilen %3.5 ge, 2019-yilda 2.4 nomur chüshüsh bilen %1.6 ge töwenlitilgenliki, 2020-yilda 1 nomurluq aziyish bilen %3 ge töwenlitilgenliki, 2021-yilda iqtisadiy tereqqiyatning %4.2 sewiyesige örlishining mölcherlengenliki qeyt qilindi.

doklatta, xitay iqtisadidiki 2018-yilning axirigha munasiwetlik tereqqiyat mölcherining %6.5 sewiyeside muqim bolidighanliqi, 2019-yilda xitay iqtisadida tereqqiyatning dawamliq tengpung bolidighanliqining mölcherlengenliki bildürüldi.

xitayda iqtisadiy tereqqiyatining bu yil (2019) üchün %6.3 din %6.2 ge töwenlitilgenliki, 2020-yilda %6.2 sewiyeside muqim bolidighanliqi, 2021-yilda %6 sewiyeside bolidighanliqining mölcherlengenliki eskertildi.   



مۇناسىۋەتلىك خەۋەرلەر