дунйа иқтисадий тәрәққийат мөлчәрлири төвәнлитилди

дунйа банкаси 2018, 2019 вә 2020-йиллириға мунасивәтлик иқтисадий тәрәққийат мөлчәрлирини төвәнләтти.

дунйа иқтисадий тәрәққийат мөлчәрлири төвәнлитилди

түркийә авази радийоси хәвири: дунйа банкасиниң «дунйа иқтисади әһвали» намлиқ доклатида, 2018-йилниң ахириға мунасивәтлик дунйа иқтисадий тәрәққийат мөлчәрлирини %3.1 дин %3 гә, 2019-йили үчүн %3 дин %2.9 гә төвәнләтти.

доклатта, 2020-йили һәққидә дунйа иқтисадий тәрәққийат мөлчәрлириниң %2.9 дин %2.8 гә төвәнлитилгәнлики, 2021-йилда болса, иқтисадий тәрәққийатиниң %2.8 сәвийәсидә болидиғанлиқи қәйт қилинди.

доклатта, хәлқара сода паалийәтлири сүритиниң астилиғанлиқи, дунйа сода йирикчиликлириниң көпәйгәнлики вә бәзи иқтисади тәрәққий қилған чоң дөләтләрниң диққәт қилишқа әрзийдиған базар бесимиға дуч кәлгәнлики билдүрүлүш билән биргә, иқтисади чоң дөләтләрниң 2018-йилниң ахирида %2.2, 2019-йили %2 сәвийәсидә тәрәққий қилидиғанлиқиниң пәрәз қилинғанлиқи әскәртилди.

доклатта, америка иқтисадиниң 2018-йилдики тәрәққийат мөлчәриниң %2.7 дин %2.9 гә өстүрүлгәнлики, 2019-йилда %2.5 сәвийәсидә муқим болидиғанлиқи, 2020-йили үчүн %2 дин %1.7 гә төвәнлитилгәнлики, 2021-йилда иқтисадий тәрәққийатниң %1.6 сәвийәсидә болидиғанлиқиниң мөлчәр қилинғанлиқи қәйт қилинди.

доклатта, ташқи содидики тәләпниң азийиши, қәрз елиш малийәтлири вә давамлишиватқан сийасий ениқсизлиқларниң, тәрәққий қилған иқтисадларниң ешишиға изчил бесим шәкилләндүрүшиниң пәрәз қилинғанлиқи билдүрүлди.

доклатта йәнә, йавро райониниң иқтисадий тәрәққийат мөлчәриниң 2018-йилниң ахирида %2.1дин %1.9 гә, 2019-йилдики иқтисадий тәрәққийат мөлчәриниң %1.7 дин %1.6 гә төвәнлитилгәнлики қәйт қилинди.

йавро райониниң 2020-йилдики иқтисадий тәрәққийат мөлчәриниң %1.5 сәвийәсидә муқим болидиғанлиқи әскәртилгән доклатта, 2021-йилда иқтисадий тәрәққийатниң %1.3 сәвийәсидә әмәлгә ашидиғанлиқиниң мөлчәрләнгәнлики билдүрүлди.

2018-йилда тәрәққий қиливатқан дөләтләр иқтисадий тәрәққийат мөлчәриниң %4.5 дин %4.2 гә төвәнлитилгәнлики, 2019-йили үчүн %4.7 дин %4.2 гә, 2020-йили үчүн %4.7 дин %4.5 гә төвәнлитилгәнлики, 2021-йилда иқтисадий тәрәққийатниң %4.6 сәвийәсидә болидиғанлиқиниң мөлчәрләнгәнлики қәйт қилинди.

доклатта, түркийәниң 2018-йилда иқтисадий тәрәққийат мөлчәриниң 1 номурлуқ азийиш билән %3.5 гә, 2019-йилда 2.4 номур чүшүш билән %1.6 гә төвәнлитилгәнлики, 2020-йилда 1 номурлуқ азийиш билән %3 гә төвәнлитилгәнлики, 2021-йилда иқтисадий тәрәққийатниң %4.2 сәвийәсигә өрлишиниң мөлчәрләнгәнлики қәйт қилинди.

доклатта, хитай иқтисадидики 2018-йилниң ахириға мунасивәтлик тәрәққийат мөлчәриниң %6.5 сәвийәсидә муқим болидиғанлиқи, 2019-йилда хитай иқтисадида тәрәққийатниң давамлиқ тәңпуң болидиғанлиқиниң мөлчәрләнгәнлики билдүрүлди.

хитайда иқтисадий тәрәққийатиниң бу йил (2019) үчүн %6.3 дин %6.2 гә төвәнлитилгәнлики, 2020-йилда %6.2 сәвийәсидә муқим болидиғанлиқи, 2021-йилда %6 сәвийәсидә болидиғанлиқиниң мөлчәрләнгәнлики әскәртилди.   



مۇناسىۋەتلىك خەۋەرلەر