дунйа банкиси башлиқи хизмитидин айрилидиғанлиқини уқтурди

дунйа банкиси башлиқи җим йоңким 6 йилдин буйан өтәп келиватқан вәзиписидин 1 – февралда айрилидиғанлиқини уқтурди.

дунйа банкиси башлиқи хизмитидин айрилидиғанлиқини уқтурди

түркийә авази радийоси хәвири: дунйа банкисиниң интернет сәһиписидә елан қилинған байанатта қарашлириға орун берилгән ким йоңким, дунйадики йоқсуллуққа хатимә бериш йолида хизмәтлирини әстайидиллиқ билән ишләйдиған кишиләргә толған бир органда хизмәт қилишниң алаһидә иптихарлиқ бир иш икәнликини әскәртип, «пүткүл дунйа еғир дәриҗидә йоқсуллуқ, килимат өзгириши, йоқумлуқ кесәлликләр көпийиватқан, мусапирлиқ һәм һәҗими һәм мурәккәплики күчийиватқан мушундақ бир пәйттә дунйа банкисиниң хизмәтлири көрүлүп бақмиған дәриҗидә муһим әһмийәткә игә. бу органниң башлиқи болуп хизмәт қилиш вә дуч кәлгән қийинчилиқларниң дәл оттурисида туруп бу органға йардәм қилиш маңа нисбәтән һәқиқәтәнму катта әвзәллик иди» дегән ибариләрни ишләтти.

у, вәзиписидин айрилғандин кейин башқа бир ширкәт билән бирликтә тәрәққий қиливатқан дөләтләрдә үстқурулма селинмилириниң ашурулуши бойичә хизмәт қилишни давамлаштуридиғанлиқини сөзлиригә илавә қилди.

әслий корейәлик америка пуқраси ким йоңким, 2012 – йилини ийул ейида башлиқлиқ вәзиписини өтәшкә башлиған, 2017 – йили иккинчи қетим бу вәзипигә сайланғаниди.



مۇناسىۋەتلىك خەۋەرلەر