иран опекниң нефит ишләпчиқиришни қисқартиш қарарлириға қошулмайдиғанлиқини уқтурди

иран нефит министири биҗән намдар зәнгәнә, теһран америка ембаргоси давамлишидиғанла болса, нефит ишләпчиқириши тоғрисида түзүлидиған һечқандақ келишимгә иштирак қилмайдиғанлиқини ейтти.

иран опекниң нефит ишләпчиқиришни қисқартиш қарарлириға қошулмайдиғанлиқини уқтурди

түркийә авази радийоси хәвири: иран рәсмий хәвәр агентлиқи –ирнаниң билдүрүшичә, ираннефит министири зәнгәнә, австрийәниң пайтәхти вийеннада башлинидиған нефит експорт қилғучи дөләтләр тәшкилати – «опек» ниң 175 – нөвәтлик йиғинидин илгири байанат берип, опек әзалири арисида нефит ишләпчиқириш миқдарини қисқартиш тәклиплириниң оттуриға қойулғанлиқини әскәрткән вә сөзини давамлаштуруп, «нефит ишләпчиқриш миқдарини азайтишни халайдиған әзалар өзлириниң қарарлирини чиқириши керәк» дегән.

опек йиғинида чиқирилидиған ишләпчиқиришни қисқартиш қараридин иранниң кәчүрүм қилиниши керәкликини әскәрткән зәнгәнә, « теһран ембаргоға дучар болидиғанла болса, нефит ишләпчиқиришиға мунасивәтлик һечқандақ келишимгә иштирак қилмайду» дегән.

опекниң вийеннада бүгүн башлинидиған 175 – нөвәтлик йиғинида, нефит ишләпчиқириш миқдарини қисқартиш тәклиплири вә қатарниң тәшкилаттин айрилиш қарариниң музакирә қилиниши күтүлмәктә.


خەتكۈچ: нефит , опек , иран

مۇناسىۋەتلىك خەۋەرلەر