rusiye OPEC arqiliq trampqa jawab qayturdi

rusiye énérgiye ministiri aléksandir nowak néfit éksport qilghuchi döletler teshkilati (OPEC) bilen bu teshkilatqa eza bolmighan döletlerning muzakire yighinida, trampning néfit miqdarini azaytmasliq toghrisidiki chaqiriqigha inkas qayturdi.

rusiye OPEC arqiliq trampqa jawab qayturdi

türkiye awazi radiyosi xewiri: rusiye énérgiye ministiri aléksandir nowak néfit éksport qilghuchi döletler teshkilati bilen néfit éksport qilghuchi döletler teshkilatigha eza bolmighan döletler otturisida élip bérilghan muzakirelerning, bazar sharaitliri toghrisida bolghanliqini eskertip: «uchrishishlarni ijtimaiy taratqu béti twittér arqiliq élan qilinghan bayanatlar bilen bashqurghili bolmaydu» dédi.

u saint. pétérsburg shehiride néfit éksport qilghuchi döletler teshkilati bilen néfit éksport qilghuchi döletler teshkilatigha eza bolmighan döletlerning awstiriye paytexti wiyénnada dawamlishiwatqan ishlepchiqirishni azaytish muzakireliri toghrisida muxbirlargha bayanat berdi.

u amérika pirézidénti donald trampning wiyénnadiki yighindin burun twittérda «kéler yili néfit ishlepchiqirish miqdari azaytilmasliqi kérek» dégen chaqiriqi üstide toxtaldi we mundaq dédi:

«néfit éksport qilghuchi döletler teshkilati bilen néfit éksport qilghuchi döletler teshkilatigha eza bolmighan döletler otturisida élip bérilghan muzakireler, bazar sharaitliri toghrisida boluwatidu. bu uchrishishlarni twittérda élan qilinghan siyasiy bayanatlar bilen bashqurghili bolmaydu.»

bügün (6-dékabir) awstiriye paytexti wiyénnada bashlanghan néfit éksport qilghuchi döletler teshkilati yighinida, néfit ishlepchiqirishni azaytish kélishimining kélechiki muhakime qilinmaqta.  yighinda néfit ishlepchiqirishni künlüki 1.5-1 milyon waril azaytish qararining chiqidighanliqi perez qilinmaqta.

yighindin burun axbaratqan ashkarilanghan bezi xewerlerde körsitilishiche, rusiye néfit ishlepchiqirish miqdarini néfit éksport qilghuchi döletler teshkilatining telep qilghan nisbettin téximu az bolushni ümid qilghan.



مۇناسىۋەتلىك خەۋەرلەر