русийә OPEC арқилиқ трампқа җаваб қайтурди

русийә енергийә министири александир новак нефит експорт қилғучи дөләтләр тәшкилати (OPEC) билән бу тәшкилатқа әза болмиған дөләтләрниң музакирә йиғинида, трампниң нефит миқдарини азайтмаслиқ тоғрисидики чақириқиға инкас қайтурди.

русийә OPEC арқилиқ трампқа җаваб қайтурди

түркийә авази радийоси хәвири: русийә енергийә министири александир новак нефит експорт қилғучи дөләтләр тәшкилати билән нефит експорт қилғучи дөләтләр тәшкилатиға әза болмиған дөләтләр оттурисида елип берилған музакирәләрниң, базар шараитлири тоғрисида болғанлиқини әскәртип: «учришишларни иҗтимаий таратқу бети твиттер арқилиқ елан қилинған байанатлар билән башқурғили болмайду» деди.

у саинт. петерсбург шәһиридә нефит експорт қилғучи дөләтләр тәшкилати билән нефит експорт қилғучи дөләтләр тәшкилатиға әза болмиған дөләтләрниң австирийә пайтәхти вийеннада давамлишиватқан ишләпчиқиришни азайтиш музакирәлири тоғрисида мухбирларға байанат бәрди.

у америка пирезиденти доналд трампниң вийеннадики йиғиндин бурун твиттерда «келәр йили нефит ишләпчиқириш миқдари азайтилмаслиқи керәк» дегән чақириқи үстидә тохталди вә мундақ деди:

«нефит експорт қилғучи дөләтләр тәшкилати билән нефит експорт қилғучи дөләтләр тәшкилатиға әза болмиған дөләтләр оттурисида елип берилған музакирәләр, базар шараитлири тоғрисида болуватиду. бу учришишларни твиттерда елан қилинған сийасий байанатлар билән башқурғили болмайду.»

бүгүн (6-декабир) австирийә пайтәхти вийеннада башланған нефит експорт қилғучи дөләтләр тәшкилати йиғинида, нефит ишләпчиқиришни азайтиш келишиминиң келәчики муһакимә қилинмақта.  йиғинда нефит ишләпчиқиришни күнлүки 1.5-1 милйон варил азайтиш қарариниң чиқидиғанлиқи пәрәз қилинмақта.

йиғиндин бурун ахбаратқан ашкариланған бәзи хәвәрләрдә көрситилишичә, русийә нефит ишләпчиқириш миқдарини нефит експорт қилғучи дөләтләр тәшкилатиниң тәләп қилған нисбәттин техиму аз болушни үмид қилған.



مۇناسىۋەتلىك خەۋەرلەر