gitlérning bir yehudiy kichik qiz bilen chüshken resimi sétishqa sunuldi

natsist gérmaniyesining rehbiri adoluf gitlérning bir yehudiy kichik qiz bilen chüshken resimi talashturup sétishqa qoyuldi.

gitlérning bir yehudiy kichik qiz bilen chüshken resimi sétishqa sunuldi

 

türkiye awazi radiyosi xewiri: «b b s» qanilining xewiride, texminen 6 milyon yehudiyning öltürülishide jawabkarliqi bolghan gitlérning 1933yili rosa isimliq bir yehudiy kichik qiz bilen chüshken resimining amérikidiki talashtuurp sétish merkizige sétishqa sunulghanliqi bildürüldi.

mariyland ishtatidiki aléksandir qedimiy talashturup sétish öyide sétishqa sunulghan resimde, gitlér bilen rosaning özara semimiyiti hemmining diqqitini tartidu.

hénrich hofman teripidin tartilghan resimning texminen 10 ming dollargha sétilishi mölcherlenmekte. 

talashturup sétish merkizining mesuli bil panagopulos «MailOnline» bétige bayanat bérip, gitlérning teshwiqat üchün yehudiy kichik balilar bilen resim tartquzghanliqini tekitlidi we: «bu resimde diqqet tartidighan amil, gitlérning kichik qizgha rastinla yéqinliq körsitiwatqandek körünishidur. resimni körginimde inttayin heyran qaldim» dédi.

gitlérning yehudiy qiz bilen tonushishining tughulghan künlirining oxshashliqidin bolghanliqi bildürülmekte. 

talashturup sétish öyining bergen melumatlirigha asaslanghanda, rusa bilen anisi eyni chaghda bash minisirliq wezipisi ötewatqan gitlérning tughulghan künini tebriklesh üchün gitlérning alp taghliridiki bérghufqa jaylashqan öyining aldigha toplashqan kishiler arisida bar idi.

gitlér tughulghan künlirining oxshash ikenlikini bilgendin kéyin rusa we anisi karolaynni özining öyige teklip qilghan bolup, rusa bilen chüshken resimning shu yerde tartilghanliqi texmin qilinmaqta.

 talashturup sétish öyining mesulliri yene, gitlérning aridin 5 yil ötkendin kéyin karolaynning anisining yehudiy ikenlikini bilgenlikini we rosaningmu yohudiy élan qilinghanliqini, shu wejidin gitlérning u qiz bilen bolghan munasiwitining üzüshlishige tirishchanliq körsitilgenlikini bildürdi.

hökümet mesullirining arilishishigha qarimay, gitlérning rusa bilen bolghan dostliqi dawamlashqanliqi we bu resimge öz imzasini qoyush bilen birge «söyümlük rosa nénau bilen adoluf gitlér, muyinxin, 1933yili 16 iyun» dégen sözlerni yézip rosagha yollap bergenliki bildürülmekte. 


خەتكۈچ: yehudiy , resim , gétlér

مۇناسىۋەتلىك خەۋەرلەر