иран рийад билән москваниң нефит ишләпчиқириш миқдарини азайтиши керәкликини билдүрди

иранниң нефит експорт қилидиған дөләтләр тәшкилати – опекта турушлуқ даимий вәкили һусәйин казимпур әрдәбили, рийад билән москваниң нефит баһасини чүшүрүвәткәнликини илгири сүрди.

иран рийад билән москваниң нефит ишләпчиқириш миқдарини азайтиши керәкликини билдүрди

түркийә авази радийоси хәвири: иранниң нефит експорт қилидиған дөләтләр тәшкилати – опекта турушлуқ даимий вәкили һусәйин казимпур әрдәбили, русийә билән сәуди әрәбистанниң нефит ишләпчиқириш нисбитини ашурғанлиқини, бу әһвалниң нефитниң варил баһасини 15 доллар чүшүрүвәткәнликини ейтти.

иран нефит ишлири министирлиқиға қарашлиқ шана хәвәр агентлиқиниң билдүрүшичә, әрдәбили, «нефит ишләпчиқиришниң ашурулуши мәзкур мәһсулатниң баһасиниң төвәнләп кетишигә сәвәб болди. бу әһвал башқа ишләпчиқарғучиларға зийан йәткүзмәткә. сәуди әрәбистан билән русийә нефит ишләпчиқириш миқдарини төвәнлитиши лазим» дегән вә һәр икки дөләтниң күнлүк нефит ишләпчиқиришини бир милйон варилдин қисқартилиши керәкликини сөзлиригә илавә қилған.

енергийә бихәтәрлики анализи ширкитиниң доклатиға қариғанда, иранниң йавропадики нефит йетәрсизликини мушу айдин тартип русийә толуқлайдикән.

русийә, йавропа нефит ширкәтлириниң ирандин нефит импорт қилишни тохтитиши билән йавропа дөләтлиригә нефит експорт қилиш пурситини қолға кәлтүриду.

ембарголар түпәйли иранниң нефит експортида қолдин берип қойған орнини йавропада русийә, асийада сәуди әрәбистанниң игилиши күтүлмәктә.



مۇناسىۋەتلىك خەۋەرلەر