pakistan türkiyeni xitay – pakistan iqtisad karidori qurulushigha qétilishqa teklip qildi

pakistan parlaméntining töwen qaniti bolghan milliy mejlis bashliqi esed qayser, türkiyening xitay – pakistan iqtisadi karidori qurulushigha qétilishini telep qildi.

pakistan türkiyeni xitay – pakistan iqtisad karidori qurulushigha qétilishqa teklip qildi

türkiye awazi radiyosi xewiri: pakistan parlaméntida türkiyening islamabadta turushluq bash elchisi ihsan mustafa yurdaqulni qobul qilghan qayser, pakistan dölet radiyosida söz qilip, «pakistan türkiye bilen bolghan munasiwetlirige ehmiyet béridu we yéngi hökümet bu munasiwetlerni téximu ilgiri sürüsh arqiliq kücheytishni xalaydu» dédi.

ötken yili seudi erebistanmu ishtirak qilghan 75 milyard dollarliq mezkur qurulushqa türkiyenimu teklip qilghan qayser, «xitay – pakistan iqtisadi karidori qurulushi, ikki qérindash dölet bolghan türkiye bilen pakistangha iqtisadiy menide payda élip kélidu. türkiyening qétilishi rayondiki barliq döletlerge paydiliq» dédi.

yurdaqulmu türkiyening pakistan bilen bolghan munasiwetlirige ehmiyet béridighanliqini tekitlep, munasiwetlerning güllinishi üchün kéreklik qedemlerning tashlinidighanliqi toghrisida wede berdi.

yurdaqul qayserni 14 – dékabirda istanbulda chaqirilidighan quddus üchün parlamént ezaliri birliki yighinigha teklip qildi.

2014 – yili xitay bilen pakistan arisida tüzülgen kélishimge asasen bashlanghan xitay – pakistan iqtisad karidori qurulushi uyghur ilidin bashlinip pakistanning guadar portighiche sozulidu.

tash yol, tömür yoli, néfit we tebiiy gaz turuba liniyesi, néfit chekkilesh zawuti we port dégendek chong qurulushlarni öz ichige alghan xitay – pakistan iqtisad karidori qurulushi, xitaygha afriqa we ottura sherqqe qisqa shundaqla erzan yoldin bérish imkanyiti yaritip béridu.


خەتكۈچ: uyghur , xitay , iqtisad , pakistan , türkiye

مۇناسىۋەتلىك خەۋەرلەر