amérikining ikkinchi basquchluq iran émbargosi bügündin tartip ijra qilinishqa bashlidi

amérikining iran émbargolirining ikkinchi basquchi türkiye waqti bügün etigen saet 08:00 de ijra qilinishqa bashlandi.

amérikining ikkinchi basquchluq iran émbargosi bügündin tartip ijra qilinishqa bashlidi

türkiye awazi radiyosi xewiri: amérika qoshma ishtatliri pirézidénti donald tramp, iran bilen tüzülgen yadro kélishimidin bir tereplime halda chékingendin kéyin  ijra qilinidighanliqini élan qilghan <énérgiye, maliye> qatarliq sahelerni öz ichige alidighan émbargolarning ikkinchi basquchi türkiye waqti bügün etigen saet 08:00 de ijra qilinishqa bashlandi.

trampning may éyida, 2015 – yili iran bilen tüzülgen kélishimdin chékingenlikini élan qilishidin kéyin, amérika xezine ishliri ministirliqi, irangha 90 we 180 künlük bolup ikki basquchluq émbargolarning qaytidin ijra qilinishqa bashlinidighanliqini uqturghan؛ bu dairide aridin 90 kün ötkendin kéyin, yeni 7 - awghustta émbargolarning birinchi basquchi ijra qilinishqa bashlanghanidi.

amérika xezine ishliri ministirliqi teripidin bérilgen 180 künlük möhletning toshushi bilen, ikki basquchluq émbargolar bügün türkiye waqti saet 08:00 de ijra qilinishqa bashlidi.

ikkinchi basquchluq émbargolar 6 maddidin teshkil tapidighan bolup, bularning aldinqi qataridin iranning port sahesi xizmetliri, kémesazliq we paraxot yasash saheliri qatarliqlar orun alidu. émbargolar iran islam jumhuriyiti kémisazliq liniyeliri, jenub kémisazliq liniyesi dégendek shirketlerni we bulargha chétishliq organlarnimu öz ichige alidu.

amérika xezine ishliri ministirliqining émbargolirining ikkinchi maddisini bolsa, néfitqa alaqidar saheler teshkil qilidu؛ iran döletlik néfit shirkiti we milliy néfit yötkesh shirkitige oxshash orunlarnimu öz ichige alidighan émbargolar, irandin néfit, néfit mehsulatliri yaki néfit ximiye mehsulatlirini sétiwélishqa dunya miqyasida cheklime qoyidu.

émbargolarning yene bir nishani, chet el maliye organlirining iran merkiziy bankisi we irandiki bezi maliye organliri bilen qilidighan xizmet alaqisini öz ichige alidu.

émbargolarning 5- we 6 – maddilirida, yarashturghuchiliq we sughurta shirketliri bilen iran énérgiye sahesige qaritilghan cheklimiler orun alidu.

yene bir tereptin amérika xezine ishliri ministiri stéwén mnuchin aldinqi küni bayanat bérip, bügün ijra qilinishqa bashlanghan émbargolar dairiside irandiki 700 din artuq kishi we orunning qara tizimlikke ilawe qilinidighanliqini eskertti.

bu jeryanda amérika tashqi ishlar ministiri mayk pompéyo jüme küni bayanat bérip, irandin néfit import qilishni körünerlik derijide azaytqan, biraq nölge chüshürmigen 8 döletke waqitliq néfit importi salahiyiti bérilidighanliqini, bu döletlerning 5 – noyabir düshenbe küni élan qilinidighanliqini bildürgen, bu dairide yawropa ittipaqining émbargolardin kechürüm qilinmaydighanliqini sözlirige ilawe qilghanidi.


خەتكۈچ: émbargo , amérika , iran

مۇناسىۋەتلىك خەۋەرلەر