türkiye bilen pakistan erkin soda kélishimi tüzüshni qarar qildi

pakistan pirézidénti arif elwi türkiye bilen pakistanning erkin soda kéliishmi tüzüshni qarar qilghanliqini bildürdi.

türkiye bilen pakistan erkin soda kélishimi tüzüshni qarar qildi

türkiye awazi radiyosi xewiri: pakistan pirézidénti arif elwi ,türkiye bilen pakistanning pat yéqinda erkin soda kélishimi imzalaydighanliqini bildürdi.

pakistan pirézidénti arif elwi, karachi soda-sanaet uyushmisi teripidin uyushturulghan yermenkide söz qilip, türkiye bilen pakistan otturisidiki soda munasiwiti üstide toxtaldi.

elwi türkiyede ziyarette bolghanda jumhur reis rejep tayyip erdoghan bilen erkin soda kélishimi toghruluq sözleshkenliklirini éytti.

 

elwi: pat yéqinda türkiye bilen pakistan otturisida erkin soda kélishimi  tüzülidu. ikki dölet otturisidiki soda munasiwitini kücheytish üchün konkrét we emeliy qedemlerni tashlashni qarar qilduq, dédi.

türk karxanichilirining pakistan bazirigha bolghan qiziqishi üstide toxtalghan elwi mundaq dédi: «4 türk shirkiti pakistangha bir yérim milyard dollar meblegh sélishqa teyyar.»

29-öktebir jumhuriyet bayrimi we istanbul ayrodurumining échilish murasimi üchün türkiyege kelgen pirézidént arif elwi, jumhur reis rejep tayyip erdoghan bilen körüshkenidi.  



مۇناسىۋەتلىك خەۋەرلەر