amérikining dangliq aptomobil shirkiti 18 ming kishini ishtin boshitidu

türkiye awazi radiyosi xewiri: shirket teripidin bu heqte élan qilinghan bayanatta eskertilishiche, amérika qoshma ishtatliri, kanada we méksikida sétish, xéridar chaqirish we  memuriy mulazimet bölümliride wezipe ötewatqan we wezipe ötewatqinigha 12 yil we uningdinmu köprek bolghan 18 ming maashliq xizmetchi – xadimigha tölem puli bérish bedilige ishtin boshitish teklipi sunulghan.

melumatlargha qarighanda, shirket tölem pulining sherti heqqide tepsiliy melumat bermigen bolup, bu heqtiki qedem, shirketning 2018 – yilning 3 – charikide kirimining  2.5 milyard dollargha yetkenlikini uqturghandin kéyin tashlanghan.

bayanatta qeyt qilinishiche, shirket nahayiti zor muweppeqiyetlerni qolgha keltürüwatqan bir peytte, 18 ming xizmetchi – xadimini ishtin boshitish toghruluq qarar chiqirilishida,  «iqtisadiy ehwal yaxshi kétiwatqan mezgilde chiqimni azaytish téximu aqilanilik bolidu»  teriqisidiki qarash muhim rol oynighan.

mutexessisler, «amérika qoshma ishtatliri bilen xitaydiki aptomobil sétish ishlirining astilap kétishi we tramp hökümitining alyumin mehsulatlirigha qoshumche tamozhna béji qoyushi sewebidin barghanséri éshiwatqan ishlepchiqirish chiqimliri yéqinqi mezgilde aptomobil sanaiti sahesini qiyinchiliqqqa duchar qilidu» dep qaraydiken.

(General Motors ) shirkitining amérika qoshma ishtatliri, kanada we méksikida texminen 50 ming maashliq xizmetchi – xadimi bar iken.