mekke-medine arisida poyiz sepiri bashlandi

seudi erebistanning mekke shehiri bilen medine shehiri otturisida «harameyn» téz poyizi tunji sepirini bashlidi.

mekke-medine arisida poyiz sepiri bashlandi

türkiye awazi radiyosi xewiri: mekke-medine arisida hajimlar bilen ömre qilghuchilarning sayahitini asanlashturidighan «harameyn» téz poyizi tunji sepirini bashlidi.

seudi erebistanning «SPA» agéntliqining xewirige asaslanghanda, ottura sherqning eng chong qatnash layiheliridin biri hésablinidighan harameyn téz poyizi mekke-medine arisida qatnashqa bashlighan.

harameyn téz poyizi layihesining mudiri saad eshshehri tunji qosh seperning 417 yoluchi bilen oxshash waqitta bashlanghanliqini bildürgen.

mekke-medine otturisida 2 milyard dollar serp qilinghan téz poyiz linyesining yiligha 60 milyon yoluchigha xizmet béridighanliqi perez qilinmaqta. sanaet rayonliri, iqtisadiy sheherler, ayrodurumlar we sheher merkezlirini bir-birige tutashturghan, uzunluqi 460 kilométir kélidighan linye, töt saetlik tashyol musapisini saitige 300 kilométirliq tézlik bilen 1 saet 20 minutqa chüshüridu.

seudi erebistan 2017-yili 2 milyon 400 minggha yéqin hajim, 7 milyon etrapida ömre qilghuchilarni kütüwalghan idi.



مۇناسىۋەتلىك خەۋەرلەر