мәккә-мәдинә арисида пойиз сәпири башланди

сәуди әрәбистанниң мәккә шәһири билән мәдинә шәһири оттурисида «һарамәйн» тез пойизи тунҗи сәпирини башлиди.

мәккә-мәдинә арисида пойиз сәпири башланди

түркийә авази радийоси хәвири: мәккә-мәдинә арисида һаҗимлар билән өмрә қилғучиларниң сайаһитини асанлаштуридиған «һарамәйн» тез пойизи тунҗи сәпирини башлиди.

сәуди әрәбистанниң «SPA» агентлиқиниң хәвиригә асасланғанда, оттура шәрқниң әң чоң қатнаш лайиһәлиридин бири һесаблинидиған һарамәйн тез пойизи мәккә-мәдинә арисида қатнашқа башлиған.

һарамәйн тез пойизи лайиһәсиниң мудири саад әшшәһри тунҗи қош сәпәрниң 417 йолучи билән охшаш вақитта башланғанлиқини билдүргән.

мәккә-мәдинә оттурисида 2 милйард доллар сәрп қилинған тез пойиз линйәсиниң йилиға 60 милйон йолучиға хизмәт беридиғанлиқи пәрәз қилинмақта. санаәт районлири, иқтисадий шәһәрләр, айродурумлар вә шәһәр мәркәзлирини бир-биригә туташтурған, узунлуқи 460 километир келидиған линйә, төт саәтлик ташйол мусаписини саитигә 300 километирлиқ тезлик билән 1 саәт 20 минутқа чүшүриду.

сәуди әрәбистан 2017-йили 2 милйон 400 миңға йеқин һаҗим, 7 милйон әтрапида өмрә қилғучиларни күтүвалған иди.



مۇناسىۋەتلىك خەۋەرلەر