xitayda yüenning qimmiti %10 töwenlidi
xitayning yüenning qimmitini töwenlitishi sewebidin amérika hökümitining xitayni «tashqi piréwut monupulchisi» dep eyiblishi mumkinliki bildürülmekte.
türkiye awazi radiyosi xewiri: amérika xezine ishliri ministirliqidin yuqiri derijlik bir mesul, amérika xezine ishliri ministiri stéwét minuchinning balida ötküzülgen xelqara pul fondi teshkilati dunya bankisi yilliq yighinlirigha qatninishishin ilgiri muxbirlarning soallirigha jawab bergenlikini éytti.
yüenning qimmitidiki chüshüshtin amérika hökümitining endishe qiliwatqanliqini bildürgen mesul, amérika xezine ishliri ministirliqining kéler hepte élan qilidighan «amérikining muhim shériklirining makro iqtisad we tashqi piréwut siyasetliri» namliq doklatida, xitayni «tashqi piréwut monopolchisi» dep bahalash heqqide muzakirileshkenlikini élan qildi.
amérika pirézidénti donald tramp pirézidéntliq saylam seperwerliki boyiche xitayni bazargha mudaxile qilish arqiliq yüenning qimmitini qesten töwenlitish bilen eyibligen we pirézidéntliq wezipisige olturghan tünji künila xitayni «tashqi piréwut monopolchisi» dep élan qilidighanliqi heqqide wede bergen idi.
biraq amérika xezine ishliri ministirliqi her 6 ayda bir qétim élan qilinidighan «amérikining muhim shériklirining makro iqtisad we tashqi piréwut siyasetliri» namliq doklatining eng axiriqi 3 sanida, xitayni «tashqi piréwut monopolchisi» dep élan qilishtin özini qachurghan idi.
xitayning amérika bilen yüz bergen soda urushining dölet iqtisadigha selebiy tesir körsitishi sewebidin yéqinqi 6 ayda, dullargha sélishturghanda yüenning qimmiti %10 töwenligenliki bildürülmekte.
