алибаба гуруһи рус ширкәтлири билән һәмкарлишиду

алибаба гуруһи билән русийәдики әң чоң технологийәлик ширкәтләр русийәдә ширкәт қуруп чиқиду.

алибаба гуруһи рус ширкәтлири билән һәмкарлишиду

түркийә авази радийоси хәвири: хитайдики електронлуқ сода ширкити алибаба билән русийәдики нопузлуқ технологийәлик ширкәтләр һәмкарлишип електронлуқ сода ширкити қуриду.

алибаба гуруһи билән рус ширкәтлиридин магафон, мейил ру вә русийә селинма фонди қатарлиқлар русийә вә мустәқил дөләтләр гәвдисигә әза дөләтләрдә әң чоң електронлуқ ширкәт қуруп чиқиду.

русийәниң виладивосток шәһиридә өткүзүлгән шәрқ иқтисадий мунбиридә алибаба, мегафон, мейил ру вә русийә селинма фонди ширкәтлириниң мәсуллири тәрипидин һәмкарлиқ келишими имзаланди.

келишим даирисидә дәсләпки қәдәмдә қурулидиған ширкәткә 2 милйард доллар мәбләғ селинидиғанлиқи, алиексперс (AliExpress) ширкитиниң бу һәмкарлиқ ширкитигә қошулуп кетидиғанлиқи билдүрүлди.

келишимдә русийәдики әң нопузлуқ телеграф ширкәтлиридин болған мегафон русийә бойичә әң чоң интернет ширкәтлиридин мейил ру ширкитидики %10лик үлүшини, алиексперс ширкити болса русийәдики %24лик үлүшини алибаба гуруһиға өткүзүп бериду.

русийәниң електронлуқ сода саһәсидә түзүлгән бу чоң келишимниң 2019-йилниң дәсләпки чарикидә иҗра қилиниши пиланланмақта.



مۇناسىۋەتلىك خەۋەرلەر