abdunnasir himmeti: türkiye, iran we rusiye yerlik pul birliklirini ishlitip soda qilidu

iran merkiziy bankisi bashliqi abdunnasir himmeti, türkiye, rusiye we iranning yerlik pul birliklirini ishlitip soda qilish mesilisi boyiche birdeklik hasil qilghanliqini bildürdi.

abdunnasir himmeti: türkiye, iran we rusiye yerlik pul birliklirini ishlitip soda qilidu

türkiye awazi radiyosi xewiri: iran merkiziy bankisi bashliqi himmeti metbuatqa bayanat bérip, yéqin kélechekte türkiye we rusiye merkiziy bankilirining rehberliri bilen körüshidighanliqlirini, birdeklik hasil qilinghan mesililerning téz sürette ijra qilinishqa bashlinishini ümid qilidighanliqini qeyt qildi.

iranning paytexti téhranda 7 – séntebirde chaqirilghan süriye mesilisige alaqidar üch dölet bashliqlar yighinida, jumhur reis rejep tayyip erdoghan we rusiye pirézidénti wiladimir putinning ishtirak qilishi bilen ünümlük uchrishishlarni ötküzgenliklirini tilgha alghan abdunnasir himmeti, néfit, tebiiy gaz we asasliq mehsulatlarni élip – sétish bilen bankichiliq mesililiride birdeklik hasil qilinghanliqini éytti.

u, 3 döletning sodida dollarni sepning téshida qaldurush mesiliside hempikir ikenlikini, türkiye – rusiye – iranning öz pul birliklirini ishlitip soda qilidighanliqini we pul – muamilisining békitilgen tashqi péréwot arqiliq ishqa ashurulidighanliqini tekitlidi.



مۇناسىۋەتلىك خەۋەرلەر