абдуннасир һиммәти: түркийә, иран вә русийә йәрлик пул бирликлирини ишлитип сода қилиду

иран мәркизий банкиси башлиқи абдуннасир һиммәти, түркийә, русийә вә иранниң йәрлик пул бирликлирини ишлитип сода қилиш мәсилиси бойичә бирдәклик һасил қилғанлиқини билдүрди.

абдуннасир һиммәти: түркийә, иран вә русийә йәрлик пул бирликлирини ишлитип сода қилиду

түркийә авази радийоси хәвири: иран мәркизий банкиси башлиқи һиммәти мәтбуатқа байанат берип, йеқин келәчәктә түркийә вә русийә мәркизий банкилириниң рәһбәрлири билән көрүшидиғанлиқлирини, бирдәклик һасил қилинған мәсилиләрниң тез сүрәттә иҗра қилинишқа башлинишини үмид қилидиғанлиқини қәйт қилди.

иранниң пайтәхти теһранда 7 – сентәбирдә чақирилған сүрийә мәсилисигә алақидар үч дөләт башлиқлар йиғинида, җумһур рәис рәҗәп таййип әрдоған вә русийә пирезиденти виладимир путинниң иштирак қилиши билән үнүмлүк учришишларни өткүзгәнликлирини тилға алған абдуннасир һиммәти, нефит, тәбиий газ вә асаслиқ мәһсулатларни елип – сетиш билән банкичилиқ мәсилилиридә бирдәклик һасил қилинғанлиқини ейтти.

у, 3 дөләтниң содида долларни сәпниң тешида қалдуруш мәсилисидә һәмпикир икәнликини, түркийә – русийә – иранниң өз пул бирликлирини ишлитип сода қилидиғанлиқини вә пул – муамилисиниң бекитилгән ташқи перевот арқилиқ ишқа ашурулидиғанлиқини тәкитлиди.



مۇناسىۋەتلىك خەۋەرلەر