xitay amérikaning baj qararigha qarshi tedbir alidighanliqini bildürdi

xitay soda ministirliqi amérikaning 200 milyard dollarliq xitay malliridin %25 baj élish qarari yürgüzülgen teqdirde, aldini alidighan tedbirlerning yolgha qoyulidighanliqini bildürdi.

xitay amérikaning baj qararigha qarshi tedbir alidighanliqini bildürdi

türkiye awazi radiyosi xewiri: xitay soda ministirliqini bayanatchisi gaw fing axbarat élan qilish yighinida, amérikaning heriketlirini yéqindin közitiwatqanliqlirini qeyt qildi. u: «amérika étirazlargha qarimastin xitaygha qarshi qoshumche tamozhna béji élishni yolgha qoysa, bizmu kéreklik tedbirlerni élishqa mejburmiz» dédi.

u mezkur qoshumche bajlar élip kélidighan her türlük tesirlerni yéqindin közitidighanliqlirini bildürüp, xitayda paaliyet qiliwatqan yerlik we chet el shirketlirining baj sewebidin uchraydighan qiyinchiliqlardin ötüshige yardem qilish küchlirining barliqini alahide tekitlidi.

u soda urushining héchqandaq mesilini hel qilalmaydighanliqini, mesilining barawer shertlerge tayanghan halda muzakire yoli bilen hel qilinidighanliqini eskertip, amérika bilen muzakirelerning dawamlishiwatqanliqini qeyt qildi.

amérika soda wekili robért laytzér awghust éyi (2018) ning béshida pirézidént donald trampning xitayning öch élishigha qarshi 200 milyard dollarliq xitay malliridin élinidighan %10 bajni %25 ge chiqirish heqqide yolyoruq bergenlikini élan qilghan idi.

amérika taratqulirida, awghust éyi axirida pirézidént donald trampning 200 milyard dollarliq xitay malliridin qoshumche tamozhna béji élish yolyoruqini chüshürgenliki toghrisida xewerler élan qilinghan idi.

xitay hökümiti 23-awghust amérikaning 16 milyard dollarliq mallardin %25 baj élish qararigha qarshi 16 milyard dollarliq amérika malliridin %25 baj alidighanliqlirini uqturghan idi.



مۇناسىۋەتلىك خەۋەرلەر