хитай американиң баҗ қарариға қарши тәдбир алидиғанлиқини билдүрди

хитай сода министирлиқи американиң 200 милйард долларлиқ хитай маллиридин %25 баҗ елиш қарари йүргүзүлгән тәқдирдә, алдини алидиған тәдбирләрниң йолға қойулидиғанлиқини билдүрди.

хитай американиң баҗ қарариға қарши тәдбир алидиғанлиқини билдүрди

түркийә авази радийоси хәвири: хитай сода министирлиқини байанатчиси гав фиң ахбарат елан қилиш йиғинида, американиң һәрикәтлирини йеқиндин көзитиватқанлиқлирини қәйт қилди. у: «америка етиразларға қаримастин хитайға қарши қошумчә таможна беҗи елишни йолға қойса, бизму керәклик тәдбирләрни елишқа мәҗбурмиз» деди.

у мәзкур қошумчә баҗлар елип келидиған һәр түрлүк тәсирләрни йеқиндин көзитидиғанлиқлирини билдүрүп, хитайда паалийәт қиливатқан йәрлик вә чәт әл ширкәтлириниң баҗ сәвәбидин учрайдиған қийинчилиқлардин өтүшигә йардәм қилиш күчлириниң барлиқини алаһидә тәкитлиди.

у сода урушиниң һечқандақ мәсилини һәл қилалмайдиғанлиқини, мәсилиниң баравәр шәртләргә тайанған һалда музакирә йоли билән һәл қилинидиғанлиқини әскәртип, америка билән музакирәләрниң давамлишиватқанлиқини қәйт қилди.

америка сода вәкили роберт лайтзер авғуст ейи (2018) ниң бешида пирезидент доналд трампниң хитайниң өч елишиға қарши 200 милйард долларлиқ хитай маллиридин елинидиған %10 баҗни %25 гә чиқириш һәққидә йолйоруқ бәргәнликини елан қилған иди.

америка таратқулирида, авғуст ейи ахирида пирезидент доналд трампниң 200 милйард долларлиқ хитай маллиридин қошумчә таможна беҗи елиш йолйоруқини чүшүргәнлики тоғрисида хәвәрләр елан қилинған иди.

хитай һөкүмити 23-авғуст американиң 16 милйард долларлиқ маллардин %25 баҗ елиш қарариға қарши 16 милйард долларлиқ америка маллиридин %25 баҗ алидиғанлиқлирини уқтурған иди.



مۇناسىۋەتلىك خەۋەرلەر