иран түрк хәлқиниң позитсийәсигә йуқири баһа бәрди

иран парламенти миллий хәвпсизлик вә ташқи сийасәт комитети әзаси алауддин буруҗәрди, түрк хәлқиниң америка қошма иштатлириниң иқтисадий бесимлириға қарши дөләтниң йенида туруш арқилиқ миллий ғурурини қоғдиғанлиқини ейтти.

иран түрк хәлқиниң позитсийәсигә йуқири баһа бәрди

түркийә авази радийоси хәвири: алауддин буруҗәрди, иранлиқ оқуғучилар хәвәр агентлиқи – иснаға байанат берип, түрк хәлқиниң америкиниң бесимлириға қарши миллий пулиға игә чиққанлиқини әскәртти.

у, түрк хәлқиниң америкиниң иқтисадий бесимиға қарши намайан қилған позитсийәсини үлгә қилип, «түркийәдә лираниң қиммитини йоқитип қойуши билән тәң долларға от қойулди. бу символлуқ позитсийә хәлқниң дөләтниң йенида икәнликиниң вә миллий ғурурини қоғдиғанлиқиниң намайандисидур» дегәнләрни қәйт қилди.

алауддин буруҗәрди, иранда давамлишиватқан доллар киризисидә болса, миллий пулиға игә чиққан түрк хәлқидәк роһниң намайан қилинмиғанлиқини сөзлиригә илавә қилди.



مۇناسىۋەتلىك خەۋەرلەر