rusiye: dollargha qarshi yéngi xelqaraliq pul birliki otturigha chiqidu

rusiye dollargha qarshi yéngi bir xelqaraliq pul birliki otturigha chiqqan haman dollarning ehmiyitini yoqitidighanliqini ilgiri sürdi.

rusiye: dollargha qarshi yéngi xelqaraliq pul birliki otturigha chiqidu

 

türkiye awazi radiyosi xewiri: rusiye parlaméntining töwen qaniti «Duma» ning maliye bazarliri komitéti bashliqi anatoli aksakow amérika dollirining bésim wastisi süpitide ishlitilishining yéngi xelqaraliq pul birliki shekillinishige yol échiwatqanliqini éytti.  

anatoli aksakow «dollargha qarshi yéngi bir xelqaraliq pul birliki otturigha chiqqan haman dollar ehmiyitini yoqitidu. shuning bilen amérikining donyadiki tesirimu yoqilidu» dédi.

aksakow besh dölet birliki «BRICS» ning qurghuchi ezaliri bolghan béraziliye, rusiye, hindistan, xitay we jenubiy afriqa özara pul muamilide yéngi bir pul birlikini shekillendürüsh mumkinlikini muzikire qilghanliqlirini qeyt qildi.

aksakow besh dölet birliki «BRICS» ge eza döletlerning dunya nopusining teng yérimini we dunya sanaetining %30 ni teshkil qilidighanliqini tekitlep, «yéngi xelqaraliq pul birlikini otturigha chiqirish basquchi 5 yil ichide tamamlinishi mumkin. bumu amérikigha baghliq. amérika dollarning ishlitilishige qarita qanche bésim ishletse, bashqa döletlermu özara pul muamilide dollarning ishltilishige shunche qarshi chiqishqa bashlaydu» dédi.



مۇناسىۋەتلىك خەۋەرلەر