xitay mehsulatliridin élinidighan bajning ikkinchi basquchi bashlinish aldida

amérika hökümiti xitaydin import qilinghan 50 milyard dollar qimmitidiki mehsulattin élinidighan tamozhna béjining 16 milyard dollarliq ikkinchi basquchining 23-awghustta yolgha qoyulidighanliqini élan qildi.

xitay mehsulatliridin élinidighan bajning ikkinchi basquchi bashlinish aldida

türkiye awazi radiyosi xewiri: pirézidént trampning «téxnika oghrilash bilen adaletsiz soda belgilimiliri» sewebidin xitayda ishlepchiqirilghan mehsulatlardin qoshumche tamozhna béji élish qararining ikkinchi basquchigha munasiwetlik tepsiliy melumatlar jezmleshti.

amérika soda wakaletchiliki 23-awghusttin bashlap %25 baj élinidighan 16 milyard dollarliq mehsulatlar tizimlikini élan qildi. tizimliktin motor yéghi, étilén, koroséal, akrilik kislata we yérim ötküzgüch qatarliq 279 xil mehsular orun aldi.

xitay mudapie, awiyatsiye we ishlepchiqirish sahelirini nishan qilghan tamozhna béjining 7-iyulda ijra qilinghan birinchi basquchida, yadro réaktorliri, gaz turbinisi, hawa we gaz suyuqlandurush üsküniliri, tok duxapkiliri we chine-qacha yuyush mashiniliri qatarliq 34 milyard dollar qimmitidiki 818 mehsulat bar idi.



مۇناسىۋەتلىك خەۋەرلەر