теһран русийәни иранға қарши америкиға маслишиш билән әйиблиди

иранниң нефит експорт қилидиған дөләтләр тәшкилати – опекта турушлуқ вәкили һусәйин казимпур әрдәбили, русийәни америкиниң иран ембаргосини қоллаш билән әйиблиди.

теһран русийәни иранға қарши америкиға маслишиш билән әйиблиди

түркийә авази радийоси хәвири: әрдәбили, русийәниң күндилик нефит ишләпчиқириш миқдарини ашуруш қарариға ишарәт қилған һалда, «русийә билән сәуди әрәбистан күндилик нефит ишләпчиқиришни ашуруш арқилиқ америкиниң иран ембаргосиға һәмдәм болмақта» деди.

иранлиқ оқуғучилар хәвәр агентлиқи – иснаниң хәвәр қилишичә, әрдәбили, бу шәкилдә русийәниң дунйа нефит қисқартиш келишимигә зит һәрикәт қилғанлиқини тәкитләп, «русийә чиқарған бу қарар, нефит ишләпчиқарғучи дөләтләр арисидики күчлүк һәмкарлиқни хәвпкә иттириду» дегән.

у, русийәниң, америка пирезиденти доналд трампқа пайдилиқ шәкилдә һәрикәт қилғанлиқини илгири сүрүп, мәзкур дөләтләрниң позитсийәсигә «дүшмәнләрчә» дәп баһа бәрди.



مۇناسىۋەتلىك خەۋەرلەر