özbékistan afghanistangha éléktir éksport qilishni hessilep ashurmaqchi

özbékistan mushu yilning axirighiche qoshnisi afghanistangha éléktir éksport qilish nisbitini ashurushni pilanlimaqta.

özbékistan afghanistangha éléktir éksport qilishni hessilep ashurmaqchi

türkiye awazi radiyosi xewiri: özbékistan döletlik énérgiye idarisi élan qilghan bayanatta, özbékistandin aldinqi yili afghanistangha 200 milyon kélowatsaet éléktir éksport qilinghanliqi, bu yilning axirigha qeder 2 milyard kélowatsaet éléktir éksport qilishni mölcherlewatqanliqi bildürüldi.

bayanatta, özbékistanning yéngi «surxan puli xumri» éléktér léniyesi qurulishi tamamlanghandin kéyin, afghanisanningmu ottura asiya énérgiye halqisigha qétilishni nishan qilghanliqini, shuning bilen özbékistandin afghanistangha téximu köp éléktir éksport qiliniwatqanliqini bildürdi. 

bayanatta, uzunluqi 260 kélométir kélidighan «surxan puli xumri» éléktir léniyesige 150 milyon dollar meblegh sélinghanliqi, bu léniye arqiliq afghanistangha yiligha 6 milyard kélowatsaet élkétér yollighili bolidighanliqi qeyt qilindi.

öktebir éyining axirighiche afghanistangha ékisport qilinidighan éléktir miqdarining yuquri kötürülishi, istolba we bashqa élkétir üskiniliriningmu ékisport qilinishigha alaqidar kélishimlerning tüzülishi mölcherlenmekte.

buningdin bashqa yene, tajikistanningmu bu yil tunji qétim özbékistan arqiliq afghanistangha éléktir ékisport qilghanliqi, bu dairide hazirgha qeder 140 milyon kélowatsaet éléktir yollighanliqi bildürüldi.

özbékistan tunji qétim 2002yilida afghanistangha 62 milyon kélowatsaet éléktir ékisport qilghan idi. 



مۇناسىۋەتلىك خەۋەرلەر