xitay bilen amérika otturisidiki soda urushi keskinliship kétidighandek qilidu

türkiye awazi radiyosi xewiri: xitay eger amérika émport qilinghan téxnikiliq mehsutlargha qoyghan qoshumche tamozhna béjini ijra qilishni bashlighan teqdirde, dölet menpeetini qoghdash üchün kéreklik charilerni ishqa salidighanliqini élan qildi.

xitay soda ministirliqi bayanatchisi gow fing ete amérika teripidin ijra qilinishi mölcherliniwatqan 34 milyard dollarliq xétaydin émport qilinghan téxnikiliq mehsulatlargha qoyulidighan qoshumche tamozhna béjining ikki dölet otturisida soda urushi bashlinishigha seweb bolidighanliqigha dair endishler üstide toxtilip, «tehdit we qorqutushlargha boyun egmeymiz. yer shari xaraktérlik erkin sodini qollap – quwwetlesh jehettiki qetiy iradimiz dawamlishidu» dédi. 

xitay soda ministirliqi bayanatchisi gow fing «xitay soda urushida hergiz deslepki oqni atqan terep bolmaydu. biraq amérika baj tedbirini yolgha qoyghan teqdirde, öz dölitining we xelqining heq – hoquqini qoghdash üchün tégishlik jawab qayturushqa mejbur bolidu» dédi.

xitay hökümitining ilgiriki kélishim dairiside, amérikidin émport qilinghan téxnikiliq mehsulatlargha qoshumche baj qoyush qararini élan qilghanliqini eskertip, biraq yéngi baj pilani üchün amérikining tashlaydighan qedemlirini kütüp köridighanliqini éytti.

yene bir tereptin xitay kommunist partiyesining resmiy axbarat organliridin birsi «yer shari waqit géziti»de élan qilinghan bash maqalida, xitayning amérikining bajni östürüshige tégishlik jawab qayturushqa teyyar ikenliki bildürüldi.

«amérika xitayning iqtisadiy tereqqiyatini soda tijariti arqiliq tormuzlap qalalmaydu» serlewhilik bash maqilida, «xitay amérika bilen soda urushi qilishni xalimaydu. soda heqqidiki pikir oxshimasliqi waqitning ötishige egiship hel qilip ketkili bolidighan mesile. biraq tramp hökümiti xitayning yuqiri téxnikisini tereqqiy qildurishini tosup qilishni we téxnika saheside yétim qaldurushni xalaydighan bolsa, u chaghda mesile özgiridu. amérika xitay bilen toqunushni xalaydighan bolsa, u özining ishi. belki heqiqy bir urush - jédeldin kéyin andin tramp hökümitining eqli jayigha kéler» dégen sözlerge orun ajritildi. 

xitay dölitining rehberlikidiki sanaet tereqqiyat istiratégiyesining chet el shiketlirini xitaygha téxnika yötkeshke mejbur qilish yaki sanaet jasusluqi qilishtek qilmishlirigha qarshi tramp hökümiti tamozhna béjini ashurush qararini élan qilghan idi.