abdullayéw: türkiyening iqtisadiy tereqqiyatigha ishinimiz

ezerbeyjan döletlik néfit shirkitining bashliqi röwnag abdullayéw  türkiyening iqtisadiy tereqqiyatigha ishinidighanliqlirini éytti.

abdullayéw: türkiyening iqtisadiy tereqqiyatigha ishinimiz

türkiye awazi radiyosi xewiri: abdullayéw ezerbeyjanning tebiiy gazini türkiye arqiliq yawropagha yetküzidighan trans anadolu tebiiy gaz turuba liniyesi layihesining, tebiiy gaz bilen teminleshning deslepki nuqtisi bolghan eskishehir kompréssor we ölchesh ponkitida ötküzülgen murasimda qilghan sözide, ezerbeyjan döletlik néfit shirkitining türkiyening eng chong tashqi meblegh salghuchiliridin biri ikenlikini, layihening ikki dölet otturisida tashlanghan muhim qedemlerdin biri ikenlikini tekitlep mundaq dédi: «bu layihe arqiliq <bir millet, ikki dölet> sözining toghriliqi ispatlandi. ezerbeyjan döletlik néfit shirkiti türkiye bilen ezerbeyjandin ibaret ikki qérindash dölet otturisidiki soda munasiwetlirini yenimu kücheytish, istiratégiyelik sermayilerni qollash üchün muhim wezipilerni öz üstige aldi. shirkitimiz énérgiye sahesidiki sélinmiliri bilen türkiyening eng chong tashqi meblegh salghuchisidur. biz türkiyege we türkiyening iqtisadiy tereqqiyatigha hemishe ishenduq, buningdin kéyinmu dawamliq ishinimiz. trans anadolu tebiiy gaz turuba liniyesi layihesi bu ishenchke tayinidighan dostluqimiz hem hemkarliqimizning muhim bir namayendisi süpitide heriketke ötti. ezerbeyjandin tartip italiyegiche sozulidighan 3 ming 500 kiwadrat kilométirlik jenubiy tebiiy gaz karidorining muhim bir qismi bolghan trans anadolu tebiiy gaz turuba liniyesi layihesi qurulushi muhim bir qurulushtur. bu shirkitimiz üchün nahayiti chong sinaq idi, bu sinaqtin muweppeqiyetlik halda ötüsh üchün tirishchanliq körsettuq, derweqe, buning netijisinimu körduq. layihe del waqtida we 8 milyard dollardin az meblegh bilen ishqa ashuruldi.»

trans anadolu tebiiy gaz turuba liniyesi layihesining türkiyening tebiiy gaz éhtiyajining texminen % 12 tini qamdaydighanliqini eskertken abdullayéw mundaq dep körsetti: «bu layihening esli pilanlighuchiliri türkiye jumhur reisi rejep tayyip erdoghan bilen pirézidént ilham eliyéwdur, dölet bashliqlirining qollishi we qetiy iradisi bolmisa, bizge yol körsetmigen bolsa,  bu layihening qisqa waqit ichide tamamlinishi mumkin bolmaytti.»



مۇناسىۋەتلىك خەۋەرلەر