eliyéw: «tanap» türkiye bilen ezerbeyjanning ortaq zepiridur

ezerbeyjan pirézidénti ilham eliyéw, trans anadolu tebiiy gaz turuba liniyesi – «tanap» ning xizmetke kirishtürülüshining türkiye we ezerbeyjan rehberlirining aqilane shundqla küchlük siyasiy iradisi sayisida royapqa chiqqanliqini éytti.

eliyéw: «tanap» türkiye bilen ezerbeyjanning ortaq zepiridur

türkiye awazi radiyosi xewiri: pirézidént ilham elyéw, eskishehirning seyit ghazi nahiyesige qarashliq aqsaqli mehelliside ötküzülgen «tanap» ni xizmetke kirishtürüsh murasimigha ishtirak qildi. u, dölitide jumhur reis erdoghanning rehberliki sayisida qolgha keltürülgen utuqlardin tolimu xushal ikenliklirini eskertip, «jumhur reis erdoghanning charchimas paaliyiti netijiside türkiye dunya miqyasida chong küchke aylandi. türkiye, dunyaning küntertipini belgileydighan bir dölettur. biz ezerbeyjanda buning üchün söyinimiz, türkiyening küchi bizning küchimizdur, bizning küchimiz bizning birlikimizdidur» dégenlerni qeyt qildi.

ilham eliyéw, dunyada türkiye bilen ezerbeyjangha oxshash bir – birige yéqin we bir – birini qollaydighan ikkinchi bir döletni tépishning qiyinliqini bildürüp, «türkiye bilen ezerbeyjanning birliki we qérindashliqi hem döletlirimiz, hem xelqlirimiz, hem rayonimiz, hem yawro-asiyagha nisbeten muhim bir amildur. nöwette <tanap>ning xizmetke kirishtürülüshi türkiye bilen ezerbeyjanning namayan bolushidur. <tanap>, türkiye bilen ezerbeyjanning zepiridur» dédi.

ilham eliyéw, <tanap> ning jumhur reis erdoghan bilen royapqa chiqarghan tunji qurulush emeslikini xatiriletken halda, 2006 – yili baku – tiflis – jeyhan turuba yoli qurulushini, 2007 – yili baku – tiflis – erzurum tebiiy gaz turuba liniyesi qurulushini we ötken yili bolsa, baku – tiflis – qars tömür yolini xizmetke kirishtürgenliklirini tilgha élip ötti.


خەتكۈچ: erdoghan , eliyéw , tanap , ezerbeyjan , türkiye

مۇناسىۋەتلىك خەۋەرلەر