әлийев: «танап» түркийә билән әзәрбәйҗанниң ортақ зәпиридур

әзәрбәйҗан пирезиденти илһам әлийев, транс анадолу тәбиий газ туруба линийәси – «танап» ниң хизмәткә кириштүрүлүшиниң түркийә вә әзәрбәйҗан рәһбәрлириниң ақиланә шундқла күчлүк сийасий ирадиси сайисида ройапқа чиққанлиқини ейтти.

әлийев: «танап» түркийә билән әзәрбәйҗанниң ортақ зәпиридур

түркийә авази радийоси хәвири: пирезидент илһам әлйев, әскишәһирниң сәйит ғази наһийәсигә қарашлиқ ақсақли мәһәллисидә өткүзүлгән «танап» ни хизмәткә кириштүрүш мурасимиға иштирак қилди. у, дөлитидә җумһур рәис әрдоғанниң рәһбәрлики сайисида қолға кәлтүрүлгән утуқлардин толиму хушал икәнликлирини әскәртип, «җумһур рәис әрдоғанниң чарчимас паалийити нәтиҗисидә түркийә дунйа миқйасида чоң күчкә айланди. түркийә, дунйаниң күнтәртипини бәлгиләйдиған бир дөләттур. биз әзәрбәйҗанда буниң үчүн сөйинимиз, түркийәниң күчи бизниң күчимиздур, бизниң күчимиз бизниң бирликимиздидур» дегәнләрни қәйт қилди.

илһам әлийев, дунйада түркийә билән әзәрбәйҗанға охшаш бир – биригә йеқин вә бир – бирини қоллайдиған иккинчи бир дөләтни тепишниң қийинлиқини билдүрүп, «түркийә билән әзәрбәйҗанниң бирлики вә қериндашлиқи һәм дөләтлиримиз, һәм хәлқлиримиз, һәм районимиз, һәм йавро-асийаға нисбәтән муһим бир амилдур. нөвәттә <танап>ниң хизмәткә кириштүрүлүши түркийә билән әзәрбәйҗанниң намайан болушидур. <танап>, түркийә билән әзәрбәйҗанниң зәпиридур» деди.

илһам әлийев, <танап> ниң җумһур рәис әрдоған билән ройапқа чиқарған тунҗи қурулуш әмәсликини хатириләткән һалда, 2006 – йили баку – тифлис – җәйһан туруба йоли қурулушини, 2007 – йили баку – тифлис – әрзурум тәбиий газ туруба линийәси қурулушини вә өткән йили болса, баку – тифлис – қарс төмүр йолини хизмәткә кириштүргәнликлирини тилға елип өтти.



مۇناسىۋەتلىك خەۋەرلەر