trans anadolu tebiiy gaz turuba liniyesi layihesi ishqa kirishtürüldi

ezerbeyjanning tebiiy gazini türkiye arqiliq yawropagha yetküzidighan trans anadolu tebiiy gaz turuba liniyesi layihesini ishqa kirishtürüsh murasimi tünügün eskishehirde ötküzüldi.

trans anadolu tebiiy gaz turuba liniyesi layihesi ishqa kirishtürüldi
«tanap» xizmetke kirshtürüldi
«tanap» xizmetke kirshtürüldi

trans anadolu tebiiy gaz turuba liniyesi – «tanap» xizmetke kirishtürüldi

türkiye awazi radiyosi xewiri: murasimgha jumhur reis rejep tayyip erdoghan, ezerbeyjan pirézidénti ilham eliyéw, shimaliy qibris türk jumhuriyiti jumhur reisi mustafa aqinji, sérbiye pirézidénti aléksandir wukich we ukraina pirézidénti pétro poroshénko qatarliqlar ishtirak qildi.

jumhur reis rejep tayyip erdoghan murasimda qilghan sözide, «énérgiyening <yipek yoli>» dep atilidighan trans anadolu tebiiy gaz turuba liniyesi layihesini ishqa kirishtürgenliklirini tekitlep mundaq dédi: «biz énérgiyeni toqunushning emes, eksiche, hemkarliq wasitisi dep bilimiz, bu qarishimiz trans anadolu tebiiy gaz turuba liniyesi layihesining ishqa kirshtürülüshi bilen yene bir qétim ispatlandi. trans anadolu tebiiy gaz turuba liniyesi layihesi ortaq istiratégiyelik nishanimizning eng axirqi méwisidur, shuning bilen bir waqitta, aldimizdiki mezgillerde ishqa kirishtüridighan yéngi layihelerning xewerchisidur.»

trans anadolu tebiiy gaz turuba liniyesi layihesining bashlanghuch iqtidarining yilliq 16 milyard kub métir ikenlikini eskertken erdoghan, buning 6 milyard kub métirliq qismining türkiyege, 10 milyard kub métirliq qismining bolsa yawropagha toshulidighanliqini qeyt qildi.

trans anadolu tebiiy gaz turuba liniyesi layihesini telepke asasen aldi bilen 22 milyard kub métirgha, arqidin qoshumche sélinmilar arqiliq 31 milyard kub métirgha yetküzüshni nishan qiliwatqanliqlirini éytqan jumhur reis erdoghan, türkiyening trans anadolu tebiiy gaz turuba liniyesi layihesi arqiliq tranzit bir dölet bolushtin halqip, ishlepchiqarghuchidin axirqi istémal qilghuchigha qeder sozulidighan zenjirsiman qimmetlerning her bir basquchida muhim rol oynaydighan qudretlik döletke aylananliqini tekitlep mundaq dédi: «trans anadolu tebiiy gaz turuba liniyesi layihesi peqet énérgiyening bixeterliki üchünla emes, hazar rayonidin tartip yawropaghiche pütkül ötüsh éghizlirigha jaylashqan döletlerge parawanliq we ishqa orunlashturush jehettin muhim töhpilerni qoshidu.»

jumhur reis rejep tayyip erdoghan girétsiye chégrasini tunji tebiiy gaz bilen teminlesh xizmitini 2019 – yili iyun éyida ishqa kirishtürüshni nishan qiliwatqanliqlirinimu sözlirige ilawe qildi.

melumatlargha qarighanda, hazirghiche eng keng kölemlik we eng uzun turuba liniyesi hésablinidighan trans anadolu tebiiy gaz turuba liniyesi layihesining omumiy uzunluqi 1850 kilométir kélidiken, turuba liniyesi ardahandin tartip edirnegiche 20 wilayet we 67 nahiyedin ötidiken. turubilarning % 80 ti türkiyede ishlepchiqirilghan bolup, bu jeryanda 13 ming kishi ishqa orunlishish pursitige érishken.

ezerbeyjanning tebiiy gazini türkiye arqiliq yawropagha toshuydighan trans anadolu tebiiy gaz turuba liniyesi layihesi, türkiyedin sirt yene, yawropaningmu éhtiyajini qamdaydiken.



مۇناسىۋەتلىك خەۋەرلەر